وش ذنبي اللي بالحيااااه أرتكبته
وش ديني اللي للزمن ماوفيته
زرعت لي في عالم الحب نبته
واللي زرعته للأسف ماجنيته
وكاس السراب اللي ضميته شربته
سراب لكن غصب عني رويته
ولاقد شكى قلبي عذاب وكبتته
وهمي يموووت بداخلي ماحكيته
طبعي كذا ماهوب دورن لعبته
والطيب شيد داخل الروح بيته
وفاي من طبع العمام أكتسبته
وطبع السماحه من خوالي خذيته
ومستقبلي قدام عيني نصبته
والماضي اللي فات خلفي رميته
والكره من دفتر حياتي شطبته
وحكمة زماني من شراني شريته
من لا بغاني عفته ولا رغبته
ومن لا يقدرني بعد لا بغيته
واللي شراني كل غالي وهبته
لو هو على درب المهاليك جيته
هذا الكلام اللي طرالي وجبته
شي قليل وياكثر مانسيته
مدري تعبني الوقت ولا تعبته
بس الأكيد لو قال هاتي عطيته