ص ن
دزن اسئله خنفشاريه لاخوي ناووو
يا لبى الخنفشاريه واللي جابها
والله من راسي الاسئله كان في قوقل زيها مدري ههههه
س1/ متى احلى وقت تجد فيه المنتدى باحلى الاعضاء ؟؟
مسيّان من عقب الاخير الى قريب الفجر
س2 / من اقرب الناس اليك من المنتدى ؟
ابو نواف
س3/ من المشرف /هـ او المراقب/هـ اللي عجز يفهمك ؟؟
كمن واحد
بس اللي فهموني كثير والحمد لله
س4/ من العضو/هـ اللي يومياً يعطيك لايك على أي شي ؟
والله واجد وانتوا تلاحظون اكثر مني
بس دايم ردودي تكون مقبوله واقل ردود جاتني عليها لايكات هنا بالموضوع هذا يمكن الاجابات ما جازت لهم
.gif "(284)")
س5 / عضو /هـ يزيد المنتدى العام نكهه وتفرح بوجووده ؟
تبي الصدق ابو محمد ولا قصور بالباقين
س6/ من العضو/هـ اللي عرفته وتفاجاءت انه معنا بالمنتدى ؟
مافيه
جايكم بالحالي وما فيه احد من الموجودين اعرفه قبل الملتقى
س7/ اخر هوشه ومطاقق خارج المنتدى متى ووش السبب ؟ ومن اللي انتصر ههه ؟
ههههههههههههه حلوه خارج المنتدى ليه قصدك اني راعي مشاكل
سلمك الله هوشه في تاريخ 2 فبراير 2003 على قارعة الطريق وانا رايح القهوه يعني حدني و احدك وصار فيها صدم وبعدين نزلت ,
كانوا 2 وكنت داري انهم 2 بعدين نزلوا 4 من ورى وصاروا 6
وانا ادور احد معي ورى
طلع ما فيه احد لأني كنت بالحالي
وصارت معركة ما راح اعطيك التفاصيل
بس ابشرك رحت للمحطه بعد ما صرت اشوف شوي
وشريت لي ملابس ورحت القهوه ما خليتها في خاطري .
بس بجد من الوجع اللي حسيت به آخر الليل
وربي كتبت وصيتي لاني كنت حاس ان فيني نزيف داخلي
بس الحمد لله تشاليت وهذاي ارد عليك
س8/ رؤيا او حلم شفت فيها احد من الاعضاء ؟
ابو نواف بحكم انا كنا نذاكر سوى وكانت ايام الاختبارت والنتايج وحولها بس ما اذكر وش الحلم بالضبط
س9/ كم عدد شلة الاستراحه ؟؟
من 4 الى 9
س10/ من اللي مايدفع قطة الاستراحه زي الناس ؟وش اسمه ههههه
تبي الصدق انا ما عاد اقط معهم لاني ما عاد اروح الا بالويك اند وبطلت معسل
بس كنت قبلها 4 سنين اقط في 3 استراحات
واعتزلت
س11/ اول راتب لك كم كان ؟ ووش سويت فيه ؟
ههههههههه رهيب انت تجيب اسئله عسل
اول راتب لي سلمك الله 3800 وكسور نزل ناقص لاني ما كنت مداوم الشهر كامل
وسحبته من محطة صراف بالنعيريه
كنت كاشت وعازم الشباب كلهم ومتزهل بكل شي (توني متوظف)
بس تأخر يومين
وسحبته وانا راجع وعطيتهم اللي دفعوه في الكشته
س/ 12/ اول سياره شريتها وش نوعها وموديلها ؟
وليييين هذا سؤال كل يوم على الغدا يعايروني فيه اخواني
سلمت الله مازدا موديلها 82 شريتها ب 4000 وصلحتها ب 2000وبعتها بعد اسبوع ب 3000
والمفروض ما تحسب علي سياره لانه اليوم اللي استلمت فيه الاستماره بعتها على المصري النصاب ما غيره
انتهى الدرزن الاول يمكن فيه درزن ثاني هههه يمكن لا
اشكرك اخوي ناوو وجاوب صح ههههه