ملتقى طلاب وطالبات جامعة الملك فيصل,جامعة الدمام - عرض مشاركة واحدة - السنة التحضيرية [ تم تعديل العنوان ] معلومات ع الطآير عن السنة التحضيرية

Eva ~ · #1 2012- 7- 10

السلآم عليكم والرحمه ,

بنآآآت كلية الغد المستجدآت يعني الي لسه مقدمين السنه

رآح اعطيكم كم معلومه ع الطآير ترفع معنويآتكم وتخليهآ عآل العآل

طبعاً انا بفرع الدمآم - أشعه
بس بتكلم عن السنة التحضيرية الي خلصت منهآ
يعني كل الاقسام فيهم يستفيدون من كلآمي

^

اولا

انا كنت بنفس مخآوفكم ويمكن أكثر , كالعادة الخوف من اي شي جديد لآبد منه ,

طبعا انا من الاحساء وخآطرت وسجلت أشعه بدون تفكير وحوسة على التخصص وأختيآره

> لان ميولي فيزيآئي بحت

بس مو مجنونة والله

>

المهم توكلت وسجلت على حسآبي
وربكم جابلي المنحة بنص السنة
يعني درست بس نص سنة على حسابي

والسمستر الثاني لمى رحت ادفع قالولي اني انقبلت منحة
علما ان معدلي بالسمستر الاول كان 5 من 5

> صلوا على النبي ههههه

وترى بسهولة تجيبي هالخمسة صدقوووني

اول سمستر راح اعطيكم لمحة بسيطة عنه

المواد

انجليزي : عبآره عن كتآبين من أسهل واتفه مآيكون بس يبغآلكم تذاكرون
أول بأول والي لغتهآ حلوه والي مش حلوه بتمشي فيه

يعني لآتخلون احد يتفلسف عليكم ويقول الي لغتهآ حلوة بتمشي فيه
لآآآ , صدقوني كذا او كذا بتمشي فيه لأن سهل وتآفه وبالمذآكرة يصير أتفه وأتفه

عربي : أتعب وأقول تآفه , يعني مآدة زيآدة عدد

حاسب : أصعب مآدة بالوجود ب النسبة لي

المآدة الي مستحيل أنسى معآنآتي معهآ

سمعوو ترى المآدة تآفه وسهله > متنآقضه

لآ صج مو ذآك الصعوبة
بس كلهآ حفظ ودش وأنآ مآعرف أحفظ انجليزي كذآكذآ على بعض

بس ترى
نفس أي مآدة حفظ يبغآلهآ مذآكرة وشد حيل وبس

احصاء : كثرت الأشآعآت على هالمآده بشكل فضيع
والغريب ان حتى البنآت الي عن حسآب شآطرآت كآنو يخوفوني منه قبل أدخل الجآمعة
مش خوف بس انو أصعب مآده

كل هالكلام خرطي
وربي مآبقول مآدة تآفه لآآ
بس ذآكروهآ أول ب أول وتسهل عليكم
وحآولي تجيبو درجة عآلية ب النصفي
هالشي يسآعد بالنهائي مرآ

ب النسبة للبنآت والاغلبية تعتبر أصعب مآدة ب المستوى الأول

ب النسبة لي الحاسب اصعب منهآ بمليون مرآ

ثقافة اسلامية : شوي ثقيلة دم لآنهآ حفظ
بس مهمآ صعبت تبقى عربي والكل يمشي فيه

ذول موآد النص الأول يعني المستوى الأول
حآولو قد مآتقدرو تجيبو 5 او معدل قريب من 5
وبسسسهولة والله تجيبوه

المستوى الثآني فيه ثقآلة دم وكرف وهدة حيل

بس خلونآ ب المستوى الأول وبالكلام وسيع الصدر وبس

خلصو المستوى الاول وعدوه بنسبة حلوه
وبيسهل عليكم المستوى الثاني

وترآه مش صعب مرآ مثل مايقول الاغلبية
عآدي أنآ كنت أغيب ب الاسبوع يومين ثلاثة وجبت نسبة عالية جدا فيه

وترآه يعتمد على النصفي والنهآئي وبس
عكس المستوى الاول فيه اختبآرآت قصيرة وكرف كل اسبوع
المستوى الثاني اهم شي تضمني درجة حلوه ب النصفي والنهائي وبس

^

نجي للمسآت مرآ متسآعدين وحبوبآت
انا اتكلم عن الي درسوني والي مادرسوني
يعني لايغرك كلام البنآت هذي زينة وهالمس مو زينة

كل شي بالدراسة غير

فديت والله مسآتي منهم ينحط على الجرح يبرى

ب النهآية
طآلبآت المنح صدقوني الي معدلهآ حلو ب الثآنوية
تضمن المنحة وترتآح ولآتشغل رآسهآ ب الموضوع
لأنهآ بأذن الله بتجيهآ

والي على حسآبهآ مثلي
نفس الشي اهم شي يكون معدلك فوق 4 ونص ب السمستر الاول
ويفضل 5 من 5 عشآن تضمن المنحة
وبسهولة رآح تجيهآ
أنآ شغلت رآسي كثير بهالمنح ومتى رآح تجي
وكيف ببقى على حسآبي 4 سنين

وبالاخير جآتني من نص السنة
وانادآخلة وعآملة حسآبي سنة كآملة تكون على حسابي

بس ربك كريم
لاتحآتو وتطمنووو

وبس اتمنى افدتكم
وجآوبت على كل الي يجول بخآطراي طآلبة مستجدة بكليتنآ

ب التوفيق

سي يـووٍ