|
رد: { بـووـووح ـآلخ ـوآطر .~
أشره على نفسي وأبيـح المقاديـر
النفس سبـة حسرتـي والتياعـي
ماللزمـن ذنـبٍ ولا لـه تدابـيـر
كونٍ خلقه الله وأنـا فيـه ساعـي
درب الكرامه لـه رجـال مناعيـر
ودرب المذلـه نتركـه للرعـاعـي
أحفظ لنفسي بين هالنـاس تقديـر
وأرخي لصوت الحق حسن أستماعي
صدري وسيع ما يبـي زود تكبيـر
ياللّي كلامك بين هالنـاس شاعـي
قلبـي شفـوق ٍ ممتلـي بالتعابيـر
يستاهلـه منهـو لقـدره يراعـي
لا تآخـذك ياقلـب كثـر التفاكيـر
ما للنـدم لا فـات هالعمـر داعـي
خلك مـع اللـي بالمعـزه مساييـر
أفتح لهـم بابـك وفـل الشراعـي
وأبعد عن المقفي كثيـر المعاذيـر
اللـي يـردد دوم لحـن الوداعـي
وش لك بشخصٍ كل ما وقع يطيـر
رجله على غصن وعينـه تراعـي
غصـنٍ بعيـد ممتلـي بالعصافيـر
بين الشكل واللون سلهـم وضاعـي
معلوم قصدي ما يبي لـه تفاسيـر
سهل المعاني يفهمـه كـل واعـي
|