ملتقى طلاب وطالبات جامعة الملك فيصل,جامعة الدمام - عرض مشاركة واحدة

معاني ورد · 2012- 7- 11

بسم الله الرحمن الرحيم
احم احم

نصيحتي هي أولا امسحي أسلوب المدارس من راسك تماااما

الكلية هي اعتماد على النفس بكل صغيرة وكبيرة

مايقولوا لك ياللا وين الواجب يا روح الماما

...وخلاص اذا ماقدرتي جيبيه بكره يا حبيبة قلبي

الدكتورة حتى ما راح تسألك جبتي الواجب ولا لا

انت كفرد ... ماراح يكون لك تعامل خاص أبدا

...انسي هالشئ

هي راح تجي والبنات بيجمعوا واجباتهم ويسلموها واذا اشافت بنات ماسلموا بتحط لهم صفر بكل بساطة

تجي تقولي لها ترى أنا ماجبت الواجب بتقولك صفر

تقولي لها بس أنا كنت غايبه عشان كذا ماحليته

بتقولك صفر

بتقولي لها أنا والله حليته

بس هو بالملف والملف مع صديقتي وصديقتي حطته بالشنطة والشنطة باللوكر واللواكر انقلوها للمبنى الجديد

بتقولك صفر

بتقولي لها ترى بيتنا احترق فما قدرت أجيب الواجب بتقولك الحمدلله على سلامتك بس برضوه صفر

اللي أبي أقوله انه تتعذري ماينفع معهم أبدددا

...لازم عذر طبي مكتوب وليس شفهيا , يعني مو تقولي بطني كان يعورني ولا شعري كان يعورني

ولا ايدي انكسرت وانتي تكلميها وماسكه البيبسي

والعذر الطبي في كل شئ سواء محاضرة ولا واجب ولا امتحان

وشئ مهم تعرفي قوانين الدكتورة لأن يعطون أوراق هي توصيف للمنهج وفيه خطة أسبوعية لطول الترم وهذي تستلموها بأول أسبوع من كل دكتورة بعضهم يحطها على الانترنت (نظام البلاكبورد) وبعضها بالتصوير وبعضهم يسلمونها بملازم ورق, فيها كل شئ من مواضيع المنهج وتقسيم الدرجات عشان كذا الدكتورة ماتقبل عذر "أنا كنت غايبه فما حليت الواجب" لأنه المفترض من الطالبة تقرأ توصيف المنهج من البداية وتعرف اللي لها والللي عليها.
لا تسحبي على المحاضرات

بعد 4 محاضرات حرمان يعني ماتدخلي امتحان نهائي

يعني استفيدي من المحاضرات ولا تغيبي الا عند الحاجة

طوري من شخصيتك وشوفي نفسك بعد 4 سنوات ايش حابي تصيري

احترمي الدكتور أو الدكتورة حتى لو ماتحبيها لأن سلوكك كثييير محاسبة عليه سواء الدكتورة لمحت بهالشئ ولا لا...وأولا وأخيرا عاملي الناس كما تحب أن يعاملوك

... وفكري بالكلام اللي تقوليه لأن أيام الأبلات يسامحوا ويمشوا خرابيط البنات

خلاص انتهت,,, أما بالكلية الدكتورة ماتسمح بهالشئ يعني بمجرد عليتي صوتك مثلا يفتح لك مجلس تأديبي

عودي نفسك تذاكري كل أسبوع أو كل أسبوعين على الأقل المادة اللي تحتاج حفظ أو كثيره مره أو أصعب مادة بالنسبة لك.
الكلية مو بس مكياج وشنطة وتسريحة شعر

اتذكري انك رايحة لمكان دراسة مو بارتي

< مو معناها تجي كشه بليز

لا تهتمي للبنات اللي يخوفوك من دكتورة معينة , استشيري مين الأفضل لكن اعرفي انه مافي أحد بيساعدك الا نفسك من بعد الله.

لاتثقي بأي بنت بسرعة

"ستبدي لك الأيام ما كنت جاهلا .. ويأتيك بالأخبار من لم تزود"

فعشان ماتنصرعين

وتكرهين العالم

, خلي تقتك محدودة لين تشوفي انها صديقة صدوقه

, مو وحده أي كلام

لا تغرك المظاهر سواء بالشكل أو حتى بحلاوة اللسان

, ليس كل مايلمع ذهبا

تجي عندك وأنواع الكلام المعسول واللطف بالأخير تطلع منافقه درجة أولى وتتمصلح وبوجهك كلام ومن ظهرك كلام ثاني

جيبي لك لاب توب خاص اذا ماعندك , حاولي توفري من المكافآت اذا ماقدرتي تشتري. راح تحتاجي استخدام الإنترنت كثير في بحوث أو واجبات أو تسجيل مواد.
وجيبي لك طابعة خاصة بعد أفضل خصوصا اذا عندك أخت يبيلها جلد

دايم حطي لك أهداف يعني أبي معدل كذا ...أبي أتخصص كذا...أبي أتوظف ب.... أبي أطور نفسي بنقاط معينة عن طريق ...دورة , كتاب , مقالات بالنت ...الخ والمعرفة لاتقتصر بالكلية , لاتصيري جاهلة

لازم تعرفي طريقة مذاكرة كل مادة تختلف من أستاذ الى آخر وتختلف على حسب الأسئلة , وطريقة المذاكرة مهارة اذا عرفتي لها بالكلية فلا خوف عليك , لأنه أغلب الرسوب لأن البنت ماتعرف طريقة المذاكرة الصحيحة للمادة. الدكتورات ماراح يحددوا لك الأشياء المهمة ولا بيعطوك ورقة مراجعة زي المدارس لكن بكل محاضرة اذا انت ذكية راح تعرفي ايش ركزت الأستاذة عليه , يعني الإنتباه في كل محاضرة مهم.

لاتلومي الآخرين على أخطاءك

يعني لا تقولي صديقتي قالت ولا أمي ماخلتني أسحب المادة عشان كذا رسبت ولا الدكتورة ماكانت تشرح عشان كذا رسبت .... الخ. انت المسؤولة عن كل شئ , اختاري دايما قراراتك بنفسك لأنها حياتك ولاتقولي كلنا بنتخرج بشهادة مو مهم معدل, لأن ماتعرفي لما تتخرجي يمكن يصير فرصة ابتعاث ولا يصير فيه تفاضل بالمعدلات على وظيفة معينة أو انه معدلك يكون واطي مرة وتنفصلي وانتي بسنة رابعة وماكملتي فيها تخيلي !

اعرفي الطرق المشروعة عشان تاخذي حقك سواء من طالبة أو من موظفة أو من دكتورة , كلمي صاحب المشكلة أول شئ واذا مانفع روحي للي أعلى منها وكلميهم واذا مانفع خطاب شكوى , أما اذا عن درجات كلمي الأستاذ وقولي لها انك حابه تشوفي الورقة وديا

يعني واذا رفضت

ارفعي تظلم , طبعا من اسمها تظلم يعني انت حاطة في بالك انه الإنسانة ظلمتك يعني انت حاله كويس وهي ماعطتك حقك لسبب أو لآخر , مو ترفعي عشان تبيها تنجحك غصب

ماتمشي معهم

فيه برنامج للكلية اسمه بيبول سوفت , هذا برنامج راح تلعنونه كثير

هو برنامج لتسجيل المواد وتشوفي فيه درجاتك وجدولك , المهم تصير فيه أخطاااااء كثير , بالمعدل أو تسحبي من مادة وبالأخير تلقي اسمك موجود ...الخ من الأخطاء فعشان كذا حاولي دايم تطبعي عشان يكون عندك اثبات

الحقيقة المرة انه بنات التحضيري ينقسموا الى 3 أقسام 1. دافورة درجة أولى (أخت مصطفى التوأم

) أونس شئ بحياتها لما تقول الدكتورة بآخذكم الى آخر أسبوع

2. حريصة ومهتمة لكن تفلها بين فترة وفترة 3. فاهيه ولا تعرف حتى وين القاعة ماتشوفيها الا وقت الأمتحانات

ودايم ماتدري عن رقم الشعبة ولا عن اسم الكتاب ولا تدري انه فيه بحوث ولا تدري انه فيه درجة على المشاركة وربي وربي انه في وحده حتى آخر الأسابيع ماكانت تعرف شكل الدكتورة !

ولا حتى انه كان فيه ملزمه للمنهج

!!!!

2012- 7- 11	#16
معاني ورد أكـاديـمـي مـشـارك الملف الشخصي: رقم العضوية : 60925 تاريخ التسجيل: Wed Sep 2010 المشاركات: 3,360 الـجنــس : أنـثـى عدد الـنقـاط : 680 مؤشر المستوى: 96 بيانات الطالب: الكلية: كلية آداب الدراسة: انتظام التخصص: --- المستوى: المستوى الأول	رد: إلى المقبولآت , بسم الله الرحمن الرحيم احم احم نصيحتي هي أولا امسحي أسلوب المدارس من راسك تماااما الكلية هي اعتماد على النفس بكل صغيرة وكبيرة مايقولوا لك ياللا وين الواجب يا روح الماما ...وخلاص اذا ماقدرتي جيبيه بكره يا حبيبة قلبي الدكتورة حتى ما راح تسألك جبتي الواجب ولا لا انت كفرد ... ماراح يكون لك تعامل خاص أبدا ...انسي هالشئ هي راح تجي والبنات بيجمعوا واجباتهم ويسلموها واذا اشافت بنات ماسلموا بتحط لهم صفر بكل بساطة تجي تقولي لها ترى أنا ماجبت الواجب بتقولك صفر تقولي لها بس أنا كنت غايبه عشان كذا ماحليته بتقولك صفر بتقولي لها أنا والله حليته بس هو بالملف والملف مع صديقتي وصديقتي حطته بالشنطة والشنطة باللوكر واللواكر انقلوها للمبنى الجديد بتقولك صفر بتقولي لها ترى بيتنا احترق فما قدرت أجيب الواجب بتقولك الحمدلله على سلامتك بس برضوه صفر اللي أبي أقوله انه تتعذري ماينفع معهم أبدددا ...لازم عذر طبي مكتوب وليس شفهيا , يعني مو تقولي بطني كان يعورني ولا شعري كان يعورني ولا ايدي انكسرت وانتي تكلميها وماسكه البيبسي والعذر الطبي في كل شئ سواء محاضرة ولا واجب ولا امتحان وشئ مهم تعرفي قوانين الدكتورة لأن يعطون أوراق هي توصيف للمنهج وفيه خطة أسبوعية لطول الترم وهذي تستلموها بأول أسبوع من كل دكتورة بعضهم يحطها على الانترنت (نظام البلاكبورد) وبعضها بالتصوير وبعضهم يسلمونها بملازم ورق, فيها كل شئ من مواضيع المنهج وتقسيم الدرجات عشان كذا الدكتورة ماتقبل عذر "أنا كنت غايبه فما حليت الواجب" لأنه المفترض من الطالبة تقرأ توصيف المنهج من البداية وتعرف اللي لها والللي عليها. لا تسحبي على المحاضرات بعد 4 محاضرات حرمان يعني ماتدخلي امتحان نهائي يعني استفيدي من المحاضرات ولا تغيبي الا عند الحاجة طوري من شخصيتك وشوفي نفسك بعد 4 سنوات ايش حابي تصيري احترمي الدكتور أو الدكتورة حتى لو ماتحبيها لأن سلوكك كثييير محاسبة عليه سواء الدكتورة لمحت بهالشئ ولا لا...وأولا وأخيرا عاملي الناس كما تحب أن يعاملوك... وفكري بالكلام اللي تقوليه لأن أيام الأبلات يسامحوا ويمشوا خرابيط البنات خلاص انتهت,,, أما بالكلية الدكتورة ماتسمح بهالشئ يعني بمجرد عليتي صوتك مثلا يفتح لك مجلس تأديبي عودي نفسك تذاكري كل أسبوع أو كل أسبوعين على الأقل المادة اللي تحتاج حفظ أو كثيره مره أو أصعب مادة بالنسبة لك. الكلية مو بس مكياج وشنطة وتسريحة شعر اتذكري انك رايحة لمكان دراسة مو بارتي < مو معناها تجي كشه بليز لا تهتمي للبنات اللي يخوفوك من دكتورة معينة , استشيري مين الأفضل لكن اعرفي انه مافي أحد بيساعدك الا نفسك من بعد الله. لاتثقي بأي بنت بسرعة "ستبدي لك الأيام ما كنت جاهلا .. ويأتيك بالأخبار من لم تزود" فعشان ماتنصرعين وتكرهين العالم , خلي تقتك محدودة لين تشوفي انها صديقة صدوقه , مو وحده أي كلام لا تغرك المظاهر سواء بالشكل أو حتى بحلاوة اللسان , ليس كل مايلمع ذهبا تجي عندك وأنواع الكلام المعسول واللطف بالأخير تطلع منافقه درجة أولى وتتمصلح وبوجهك كلام ومن ظهرك كلام ثاني جيبي لك لاب توب خاص اذا ماعندك , حاولي توفري من المكافآت اذا ماقدرتي تشتري. راح تحتاجي استخدام الإنترنت كثير في بحوث أو واجبات أو تسجيل مواد. وجيبي لك طابعة خاصة بعد أفضل خصوصا اذا عندك أخت يبيلها جلد دايم حطي لك أهداف يعني أبي معدل كذا ...أبي أتخصص كذا...أبي أتوظف ب.... أبي أطور نفسي بنقاط معينة عن طريق ...دورة , كتاب , مقالات بالنت ...الخ والمعرفة لاتقتصر بالكلية , لاتصيري جاهلة لازم تعرفي طريقة مذاكرة كل مادة تختلف من أستاذ الى آخر وتختلف على حسب الأسئلة , وطريقة المذاكرة مهارة اذا عرفتي لها بالكلية فلا خوف عليك , لأنه أغلب الرسوب لأن البنت ماتعرف طريقة المذاكرة الصحيحة للمادة. الدكتورات ماراح يحددوا لك الأشياء المهمة ولا بيعطوك ورقة مراجعة زي المدارس لكن بكل محاضرة اذا انت ذكية راح تعرفي ايش ركزت الأستاذة عليه , يعني الإنتباه في كل محاضرة مهم. لاتلومي الآخرين على أخطاءك يعني لا تقولي صديقتي قالت ولا أمي ماخلتني أسحب المادة عشان كذا رسبت ولا الدكتورة ماكانت تشرح عشان كذا رسبت .... الخ. انت المسؤولة عن كل شئ , اختاري دايما قراراتك بنفسك لأنها حياتك ولاتقولي كلنا بنتخرج بشهادة مو مهم معدل, لأن ماتعرفي لما تتخرجي يمكن يصير فرصة ابتعاث ولا يصير فيه تفاضل بالمعدلات على وظيفة معينة أو انه معدلك يكون واطي مرة وتنفصلي وانتي بسنة رابعة وماكملتي فيها تخيلي ! اعرفي الطرق المشروعة عشان تاخذي حقك سواء من طالبة أو من موظفة أو من دكتورة , كلمي صاحب المشكلة أول شئ واذا مانفع روحي للي أعلى منها وكلميهم واذا مانفع خطاب شكوى , أما اذا عن درجات كلمي الأستاذ وقولي لها انك حابه تشوفي الورقة وديا يعني واذا رفضت ارفعي تظلم , طبعا من اسمها تظلم يعني انت حاطة في بالك انه الإنسانة ظلمتك يعني انت حاله كويس وهي ماعطتك حقك لسبب أو لآخر , مو ترفعي عشان تبيها تنجحك غصب ماتمشي معهم فيه برنامج للكلية اسمه بيبول سوفت , هذا برنامج راح تلعنونه كثير هو برنامج لتسجيل المواد وتشوفي فيه درجاتك وجدولك , المهم تصير فيه أخطاااااء كثير , بالمعدل أو تسحبي من مادة وبالأخير تلقي اسمك موجود ...الخ من الأخطاء فعشان كذا حاولي دايم تطبعي عشان يكون عندك اثبات الحقيقة المرة انه بنات التحضيري ينقسموا الى 3 أقسام 1. دافورة درجة أولى (أخت مصطفى التوأم ) أونس شئ بحياتها لما تقول الدكتورة بآخذكم الى آخر أسبوع 2. حريصة ومهتمة لكن تفلها بين فترة وفترة 3. فاهيه ولا تعرف حتى وين القاعة ماتشوفيها الا وقت الأمتحانات ودايم ماتدري عن رقم الشعبة ولا عن اسم الكتاب ولا تدري انه فيه بحوث ولا تدري انه فيه درجة على المشاركة وربي وربي انه في وحده حتى آخر الأسابيع ماكانت تعرف شكل الدكتورة ! ولا حتى انه كان فيه ملزمه للمنهج !!!!