ماعاد بدري قلت لي وش تحرا *** ذابت نجوم اليل من جمرالآهات
ماعاد بدري تدري العمر مره *** سرقت سنينه مننا كيف لحظات
ماعاد بدري
تقول باكر وانت باكر تبرا *** برا الزمن واقف على مر الأوقات
بتنتهي الدنيا قبل ماتجرا *** لاضاعت الفرصة ترا الموت حسرات
ماعاد بدري
يامن تسخر كل أمري بأمره *** همي وحزني والفرح والمسرات
ماترحم الي وسمت فيه عبرة *** اشتاق حتى صار به منك لمحات
ماعاد بدري
الحب كله لوجمع عشر ذرة *** والي بقلبي لك ملايين ذرات
احساسي لك كوكب تعدا المجرة *** فيه الفضا شيد لنفسه مجرات
ماعاد بدري