|
رد: يآ عسى مآلك شبيهـ ,,,
جيت ابكتب لي قصيده توصف الحب الجديد
قلت يالله باسمك الله ابتدي هذي القصيده
يوم خطيت الحروف الأبجديه قلت اكيد
هذي راح تكون غير .. وصرت أنشدها نشيده
ابتديت بحرف ساكن قلت ياعلّه يفيد
وانتهيت بحرف علّه لجل حبّك ياعنيده
قلت لكن إيه لكن إنتي الحب الفريد
تاخذين حروف قلبي لاجل يكتب مايريده
أول حروفي كتبته صار يقراه البعيد
صار باين مثل عين الشمس في خرم الجريده
جيت ابمحى ماكتبته صرت أكتب من جديد
وكل حرف امسح نقاطه أرجع اكتبه وأزيده
شي ناقص في حروفي بس ماأقدر أزيد
وان لقيته ضاع مني قبل اشوفه أو أعيده
جالس بروحي وافكر واتأمل ثم اعيد
وارجع بفكري ولاادري وين راحت هالقصيده
|