ياحلم وينك عن عيوني تواريت
سيل العيون السود جرح هدبها
وش حيلتي ياحلم لوعني ابطيت
غير الحنين الي حروفي تعبها
من غبت عني يالغلا ماتشاويت
تشهد حروف الشعر للي كتبها
يشهد علي الي خلق حي من ميت
انه خفوقي دنيته لك وهبها
تسمع انين الروح لو يوم عديت
قدام باب الي هواكم نهبها
ياطول ليلي لو على البال مريت
اتعب عيون ٍ نومها ماقربها
وياويل حالي كل مافيك سجيت
تعاف روحي عيشها مع عربها
اخفي جروحي وابدت العين ماخفيت
عيني فضحها دمعها الي غلبها
البارحه من زايد الهم ناديت
يالله تشفي الروح مما عطبها