المشاركة الأصلية كتبت بواسطة ♥ غمووض الرووح ♥

يبـه شلـونك

يبه شلونك...ملل هالــكــون من دونك ..

يبه شلونك ؟؟وتمضي رحلة الدنيا..

بليا طلة عيونك..؟؟!!

تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟

.. يبه امي تخيلك دوم...تغني لك مع القمرا..

يبه واللي خذاك بيوم....خذا بنيتك بكرا..

خذا.. وياماخذا.. وياما..خذا ناس يحبونك

يبه حنا صرنا كبار..توفقنا وتخرجنا..

يبه ماعاد فيه صغار..يموج بهالزمن كل شي..

وحنا ماتموجنا..على ذاك العهد نسري..

نبيع العمر والدنيا..وﻻ‌ تخلف بنا ظنونك

يبه شلونك ؟؟تبي تدري عن اخباري ؟؟

عن افكاري وتذكاري ؟؟


اشيلك داخلي جمره ..وبعيون الحزن عبره..تغرقني .. وتحرقني..

اشوفك نجمة تجبر..مراعيها .. يراعيها..

واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا ﻻ‌يجي بكرى !!

يبه تذكر زمان مر؟؟
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صﻼ‌ة العيد؟ وبشت العيد؟
يبه تذكر سوالفنا ؟
ﻻ‌جل هذا ..
وكل هذا ..
اقول اليوم يايبــه ..
ملــــــــــــــل هالكون من دونك
يبه وينك ؟؟ .... ولهت لنظره من عينك ....*
يبه وينك ؟؟*
اشوفه طوّل غيابك !! ... و من ودّاك .... ما جابك !!*
قالوا ما يدوم الزين !! ... و انا عندي امل للحين ..*
و لكني اعرفك وين !!*
يبه وينك ؟؟*
عسى الداعي يبه بس خير ؟!!*
عساك بخير .... مداين تكرم لعينك ...*
بس ارجوك علمني ...*
علمني .. يبه وينك ؟؟*
سألت امي عن رجوعك ... وﻻ‌ كني اعرفك وين !!*
و قالت .. ما يدوم الزين !! ... و انا .. عندي امل للحين ..*
في رجوعك !! .... يبه بس تكفى علمني ....*
متى رجوعك ؟؟ .... يبه بس تكفى علمني .*
وش احلى من طلوع اثنين ؟؟*
طلوع الشمس .... و طلوعك*
يبه وينك ؟؟*
سألت امي ...... غيابك طال ؟؟*
وﻻ‌ كنّي اعرفك وين !!*
و قالت مثل ما قالت .. حسافه ...*
ما يدوم الزين ... مع كل هذا صدقني .. انا عندي امل للحين !!*
سؤالي عنك يالوالد .. صار كما الموال*
و اشوفه طال ... والله طال ..*
حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه ..*
يبه ..*
ارجوك علمني ...*
تشوف اللي انا اشوفه ؟؟*
انا اشوفك نهار و ليل ...*
في وسط المجلس تصلي .. و تدعي الرب ييسر لي ..*
يبه ..*
ما عاد بي من حيل .. وين الحيل ؟؟*
و انا اشوفك نهار و ليل .. مع اني ادري ما ترجع !!*
غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !!*
يبه .... وينك ؟؟*
و ﻻ‌ كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك ..*
و ﻻ‌ ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !!*
يبه.. كل جرح في الدنيا .. مصيره بالدوا يلتم ... و لكن البﻼ‌ من جرح ..*
نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!!*
ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما*
تـلتم ..*
بس عندي امل للحين !! ... و ﻻ‌ كنّي اعرفك وين !!*

يبه .. ذ**** تفرحني ....*
في نفس الوقت تجرحني !! ... ﻻ‌ من جبت في طاريك ... دموعي غصب تفضحني ....*

يبه .. تذكر ليالي الصيف ؟؟*
عرس الحي .. و رقص السيف ؟؟*
و كرم قلبك معَ هـالناس .. كل ٍ كان في بيتك ضيف ..*
اﻻ‌ يا حيف .... اﻻ‌ يا حيف ..*
زمن قاسي .. زمن قاسي ...*
اخذ مني بﻼ‌ رحمه ... اخذ مني اعز ناسي !!*
و خﻼ‌ّ لي سهر هالليل .. في عيني ضيف .. اﻻ‌ يا حيف !!*

يبه وينك ؟؟*
تعال و شوف ...*
كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..*

يبه وينك ؟؟*
تعال و شوف .. صحيح الدنيا ما ترحم ..*
تجرعنا التعب انواع ... و لكن اﻷ‌مل ما ضاع ..*
و انا عندي امل للحين !! ... و ﻻ‌ كني اعرفك وين !!*

يبه تذكر شطانـتـنا ؟؟*
انا و اخواني و اخواتي ... معانا عيال حارتنا ..*
نلعب في زوايا البيت .. يبه ... والله انا حنيت ..*
لذاك الوقت في وجودك ... اﻻ‌ يا ريت ... اﻻ‌ يا ريت ...*

ترجع .. يا يبه حنيت ..*
حسافه الدنيا ما ترحم ...*
خذت منا سعادتنا ... خذتك بعيد .. و خلتنا !!!*

يبه امي تذّكرنا ... بأيامك قبل ما تروح ... تناديها.. يا روح الروح ..*
تغازلها و تنظر لك .. مثل طفله ... مﻼ‌محها عشق مفضوح ...*

في ذاك الوقت .. كنا صغار ...*
معَ هذا ... كنا نغار ..*
عليها .. او بعد منها ... كنا نغار*
نحبك يا يبه ... ارجع .. مثل شمس الفجر .. اطلع*
حزينه الشمس في غيابك .. و نفس الحزن في احبابك .. واخاف الشمس من حزني ..*
تغيب و ما بعد تطلع !! .. يبه ارجع !! ... اذا لي خاطر فـ قلبك ..
تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..

لكن قلّت الحيله ... و يمكن مـ البطا ضاعت ..*
و قلنا يوم !!*

يبه سامحني بترخّص ... قبل ينشف حبر اﻷ‌قﻼ‌م .. كﻼ‌مي بعده ما خلّص ..*
و لكن موعد اﻷ‌حﻼ‌م .. حان ..*
وﻻ‌زم اوفي له.. بعد ما ضاعت الحيله .. اشوفك والوعد باكر !!*
اذا فكّر يجي باكر ..!! .. و برجع اسألك وينك !!*

بس ﻻ‌زم تجاوبني .. ترى عندي امل للحين !! .. و ﻻ‌ كني اعرفك وين ..!!*

يبه شلونك ؟


ملل هالكون من دونك
يبه شلونك ؟
وتمضي رحلة الدنيا ... بليا طلة عيونك
ﻻ‌جل هذا ... وكل هذا ... اقول اليوم يابـيـي*
ملل هالكون من دونك





ملل هالكون من دونك*