المشاركة الأصلية كتبت بواسطة نوف عبد العزيز

همممممممممم ، شوفوا عزيزاتي طالبات التحضيري ، بما ان محد جاوب عن الجو العام للكلية حبيت اقول ؛

انا قبل ادخل يقولون انها صياع وضياع ودشرة ودجة وبيخربونن وبيلعنون جدفي وكنت خايفة حتى اذا قلت لاحد بدخل اداب يقولون يوووه ليه


المهم عاد دخلت الصدق حسيت الجو عادي مرة وبنات حليلات جداً وفيه انشطة حلوة وفيه اشياء ثقافية وجو مش بطّال ماشفت الفساد اللي كنت متخيلته ، نصيحة لوجه الله لا تاخذين راي احد بجو ومكان انتي ماشفتيه وشفتي انطباعتس بنفستس ،

ثانياً انا للأسف ماكنت ادري ان المعدل التراكمي اللي لين التخرج يبدا من الترم الاول لتس ف كنت مريحة ومابي اذاكر زين ، عرفت انه تراكمي الترم الثاني بس ف امدان اتلاحق عمري عرفتي

ايه واذا انتي راعية بلع كافتيريتنا مامثله اكل اكل لين تنتفخين ، لا تسحبين ع المحاضرات كثير عشان ماتاخذين حرمان وفيه دكتورات يعطون درجات ع الحضور والغياب ف لا تغيبين عشان تاخذين هالدرجات ، وترا بناتنا حليلات مامثلهن وجونا ممتع وذا انتي تفائلي دايم وناظري الايجابي وخلي دراستس اكبر همتس واتركي الخرابيط ،

مافيه مكان ابداً مثالي ونزيه وطاهر ، كل بيئة فيها الصالح والطالح وانتي اللي تحددين انتي تنتمين لأي جهة واذا بغيتي الزين المثمر تلقينه .. القيل والقال يحطّم لا تبنين شي بناءً على كلام ماشفتيه


الله يوفقكم