|
رد: خطوات طلب التحويل من خارج جامعة الدمام
اقتباس:
المشاركة الأصلية كتبت بواسطة لولو العامر
يعني انتي من سكان الخبر ورحتي فيصل تدرسين طب صح؟
حاولتي تحولين ولا وافقوا ؟ او ايش صار معك لما جيتي تحولين؟
ووين تسكنين انتي؟بسكن الجامعه ؟
طيب كيف الوضع هناك؟ وكيف دراسه الطب بعيد عن سكنك واهلك ممكن تتحملين او تمنيتي لو انك مادرستي بفيصل ؟ خصوصا ان بنات فأحس يمكن يكون صعب علينا:(
انا قبلت مسار صحي بالدمام وقبلت طب بالحسا< لكن افكر اروح الحسا اضمن لي ، لأن المسار ممكن بالاخير يدخلوني تمريض او صيدله واتورط :(
بس دام النقل صعب فصعبه اعيش هناك 7 سنين:(
تنصحيني اظل بالدمام ؟ او اجي الحسا زي ما انتي سويتي؟
عذرا كثرت الاسئله بس لان تعبت وانا افكر ومحتاره كثير وودي تجاوبيني دامك عشتي هالتجربه واعرف نصيحتك لي  |
ايوه رحت فيصل . لا ماردوا على طلبي لا بنعم ولا بلا خلوني محروقة على اعصابي في إجازتي الصيفية .أسكن بسكن الجامعة .حلو . أول شي بنات السكن يرجعون بالقطار على حسب نهاية محاضرات ناس ترجع الثلاثاء و ناس اربعاء بالعربي نشوف اهلنا مو منقطعين عنهم . لا بالعكس أنا رغبتي طب و بالدمام قبلوني علوم طبيه وأنا ما أبغى إلا الطب فرحت لفيصل ما ندمت أبدا لكن نفسيا بعض الأحيان أتأزم أبغى أكون مع أهلي و زي كذا هذا شي طبيعي لكن لايدمر رغبتك . إذا تبغين نصيحتي روحي للحساء طب شي يتمناه الناس و حصلتي عليه فروحي لفيصل. ضامنه مستقبلك الحياة ما بتمشي زي ما نبغى فيها صعوبات أنا الحين لو ما قبلوني الدمام بجرب السنة الجاية و إذا ما قبلوني خلاص يمكن فيها خيره بقعد في الحساء عشان مستقبلي هذا رأيي 7سنوات وش بتعتبر من حياتك و لا شي (الاعمار بيد الله ) . كل والمستقبل أنا يوم انقبلت طب في فيصل قلت خلاص بقعد عند أهلي برضى بالعلوم الطبيه بعدين بيوم وحد من أخواتي فتحت كتاب التحصيلي قسم الإحياء على صورة طبقات الجلد تسألني على طول بكيت لأن رغبتي الطب و ابوي رفض بسبب أنه يبغى يعرف هل اقتنعت بروحة الحسا فجأه دق علي و قالي يلا نسحب الملف من الدمام لفيصل و رحت و سحبته و الحمدلله أنا مستانسه اني غيرت رايي في ذاك الوقت . تعبتك بقصتي . بالتوفيق
|