|
رد: خطوات طلب التحويل من خارج جامعة الدمام
اقتباس:
المشاركة الأصلية كتبت بواسطة يفوق الوصف
ايوه رحت فيصل . لا ماردوا على طلبي لا بنعم ولا بلا خلوني محروقة على اعصابي في إجازتي الصيفية .أسكن بسكن الجامعة .حلو . أول شي بنات السكن يرجعون بالقطار على حسب نهاية محاضرات ناس ترجع الثلاثاء و ناس اربعاء بالعربي نشوف اهلنا مو منقطعين عنهم . لا بالعكس أنا رغبتي طب و بالدمام قبلوني علوم طبيه وأنا ما أبغى إلا الطب فرحت لفيصل ما ندمت أبدا لكن نفسيا بعض الأحيان أتأزم أبغى أكون مع أهلي و زي كذا هذا شي طبيعي لكن لايدمر رغبتك . إذا تبغين نصيحتي روحي للحساء طب شي يتمناه الناس و حصلتي عليه فروحي لفيصل. ضامنه مستقبلك الحياة ما بتمشي زي ما نبغى فيها صعوبات أنا الحين لو ما قبلوني الدمام بجرب السنة الجاية و إذا ما قبلوني خلاص يمكن فيها خيره بقعد في الحساء عشان مستقبلي هذا رأيي 7سنوات وش بتعتبر من حياتك و لا شي (الاعمار بيد الله ) . كل والمستقبل أنا يوم انقبلت طب في فيصل قلت خلاص بقعد عند أهلي برضى بالعلوم الطبيه بعدين بيوم وحد من أخواتي فتحت كتاب التحصيلي قسم الإحياء على صورة طبقات الجلد تسألني على طول بكيت لأن رغبتي الطب و ابوي رفض بسبب أنه يبغى يعرف هل اقتنعت بروحة الحسا فجأه دق علي و قالي يلا نسحب الملف من الدمام لفيصل و رحت و سحبته و الحمدلله أنا مستانسه اني غيرت رايي في ذاك الوقت . تعبتك بقصتي . بالتوفيق
|
طيب كيف دراسه الطب؟ واول سنه كيف مرت ؟
ونسبه 3.75 هل هذي النسبه صعبه؟ او اقدر اجيبها بسهوله ان شالله؟
ازمتي حاليا السكن ،، لأن الجامعه قالوا مافيه وكذا فأخاف اتورط خصوصا ان مابي سكن خاص مابي الا سكن جامعه واهلي مو مقتنعين الا بسكن الجامعه فكيف اتاكد اذا بلقا سكن زيك او لا:(
الله يكتب الي فيه الخير :( حاليا محتاره كثير خصوصا ان ما معاي ولا احد اعرفه وكل صديقاتي انقبلوا بمسار صحي بالدمام ماحد انقبل طب بالحسا :( وبنفس الوقت ماودي اضيع هالفرصه
مشكورة حبيبتي لردك استفدت منه كثثثثير،،كنت اتمنى لو القى احد مر بنفس هالتجربه ،، ربي يجزاك الللف خير :")
اذا عندك نصيحه لي او شي قولي لي او اذا تذكرتي مشكله واجهتيها او نقطه مهمه لازم اعرفها قبل ما اجي ()
شككرا حبيبتي من اعماق قلبي ادعي لك بالتوفيق والسعاده ويجيك نقل بأقرب فرصه :")
|