الاختلاط بحدود واعراف جدا عادي مثل ما ذكروا الخوه
والعيب مو في الاختلاط .. لكن العيب فينا احنا
اغلب الشباب تلقاه من يشوف بنت يزيغ قلبه
فما بالك لو جاز له يكلمها وبشكل طبيعي وبدون ما حد يقوله الي انت تسويه غلط
ولو افترضنا ان هذا الشاب بيطلع منه هالفعل كأول بدايه وتالي يصير عنده شي عادي وبيتوب
لكن مو الكل بالعكس راح تشوف البعض يصير متفنن أو بالاصح ختصاصي طب علاقات غير شرعية مع الجنس الاخر
والوم الاكبر يقع على البنت .. بصراحه وبدون مجاملات الرجل معرووف بطبعه مهما كان محترم او هاديء
بيرجع لاصله ( غوغائي متجبر صاحب كلمة ومحب للجمال والنعومه)
ليش البنت تتمايع قباله وتترنح بخصرها وتركب رموش طولها متر ودبل مسكره وترامش في وجهه ؟؟
ولجات تمشي قدامه تهز روحها ولا فيفي عبده
بختصااار واخريا ما لنا خروج عن كلام الله
( فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَعْرُوفاً ،
وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ
اللَّهَ وَرَسُولَهُ
يعني لجينا لخوينا هذا الي همه البنات ما يقدر يتعرض الا وحده سهله او معطيته مجال
واتحدى اي احد كان يقدر يسوي شي للبنت اذا ماكانت مهيئة له طريق
الله سبحانه قال ولا تخظعن حتى لا يطمع اللذي في قلبه مرض
مو اذا شفتوا واحد مسوي فيها ذيب وحستوا انه يستدرجكم
تستانسون وتهدون روحكم هـــــد وتخلونه على راحته ..وقالت شو قالت حسسني بــ...؟؟<_محظور
وفي الاخير اختم بـ
قال الله تعالى : "وما كان لمؤمن ولا مؤمنة إذا قضى الله ورسوله أمرا أن يكون لهم الخيرة
من أمرهم ومن يعص الله ورسوله فقد ضل ضلالا مبينا"[الأحزاب:36].
واستحضر أيضا جملة لا اذكر للاسف هل نساء الانصار ام المهاجرات من قالها
( نحن نساء المسلمين رجال مع غيرنا نساء مع اوواجنا .)
اختي الكريمة قد تتصرفين بدون قصد و حسن نية .. لهدا كتبت هده العبارات حتي نحذر..
انا و..انت.. اختي في الله
المعذره على الاطاله ولو صدر مني كلام ما يعجب البعض
لكن هذا الواقع يا جماعة الخير