2009- 12- 29
|
 |
أكـاديـمـي مـشـارك
|
|
|
|
كيف اخليه يحبني؟؟...<<للنقاااش...
((تمر علينا بعض الاحيان اوقات نحب فيها شخص ولكن هو ما يحبنا .. ))
فكيف نخليه او كيف اخلي هذا الشخص يحبني مثل ما انا احبه؟؟
اول شيء انا اتاكد من حبي له هل هو حب فعلا والا مجرد اعجاب او حب تملك او ما شابه..
فلو كان اعجاب وبس فالافضل اني ابتعد عنه من البدايه لانه لو تقربت منه.. وتعلق فيني وحبني وبعد ما افوق من سكرت الاعجاب واقلب عليه راح تكون النتيجة عكسيه وغير محموده..
اما لو كان حب حقيقي فالموضوع في نظري بسيط جدا.. اول شيء اصارحه بمشاعري بدون لف ولا دوران.. اروح له واقوله يافلان انا احبك ..
لو تقبل الموضوع خير وبركه لو ما تقبل الموضوع عادي يكفي انه يعرف اني احبه بصدق ..
طيب انا ابيه يحبني بعد مو بس انا اللي احبه لوحدي وهو ولا على باله شيء ..
الحل اني اتقرب منه واوقف معاه واساعده في كل شيء .. واعطيه ثقتي والاطفه في كل شيء حتى لو زعلني ما ارد عليه .. ولو قسى علي اتجاوز عنه ولو جرحني اسامحه..
((يعني اقابل كل شيء منه بالاحسن والافضل ))
طيب في النهايه هل تظن انه راح يحبني ؟؟؟؟؟
اكيد راح يحبك ليه ..؟
لأنه بشر وله قلب ويحس فمهما كان قاسي بيلين ومهما كان بعيد بيعود ومهما كان اناني بيصير متعاون ..
لكن اهم شيء تعاملي انا معاه والرسول الكريم يقول ماكان الطيب في شيء الا زانه
وما كان الشر في شيء الا شانه .. وربنا تعالى يقول
( لن تنالوا البر حتى تنفقوا مما تحبون ) يعني اذا ربنا تعالى
ما راح يحب عبده الا لما يتقرب منه بما فرضه عليه من فرائض
ولن يعطيه البر الا بعد ان ينفق مما يحب .. فكيف بحال البشر
ولله المثل الاعلى على كل حال ..
بالتاكيد انه مافي شيء بدون ثمن او بدون سبب..
انا حبيت هذا الشخص فلاجل اني اكسبه لازم اتعامل معاه بكل طيب وبكل محبه و وداد ..
وبالنهايه اكيد راح انول مرادي ويحبني مثل ما احبه ويمكن بعد اكثر ..
لكن اذا صار اني احب شخص وهو ما يحبني .. واقوم عشان اخليه يحبني آذيه واسلط عليه
البشر والجن والاحقه من مكان لمكان.. واتبلى عليه واشوه سمعته بين الناس وبين اصحابه..
واذا طاح في مشكله بدل ما اوقف معاه اقوم اتشمت فيه..
واذا احتاجني في شيء بدل ما اساعده اقوم اتمسخر عليه..
وافضح فيه عند اللي يسوى واللي ما يسوى..
وربي وربي وربي هنا وفي هذه الحاله لا يمكن انه يحبني ابد حتى ولو انطبقت السماء على الارض
بالعكس يمكن لو لقى علي فرصه ما راح يرحمني ابد.. وبينتقم مني اشد انتقام والحقيقة اني استاهل ما يجيني منه..(لوكنت كذاا)..
-----------------------------------------
الحب شعور واحساس لازم يترجم في تعاملنا مع الآخرين وخصوصا مع من نحب او نعشق او نهوى ..
ولا يكفي اني اقول لمن احبه ( انا احبك ) واكتفي بها .. فعمر الكلام لوحده لا ياتي بنتيجه ابد لازم من الفعل مع الكلام ..
واهم شيء
الفعل الطيب .. لأن الطيب دايم ينتصر خصوصا لو كان طيب حقيقي وصادق ماهو طيب متكلف ومزيف لجل غرض في نفس يعقوب فلما انتهى الغرض لا صام ولا صلى مثل ما يقولن ..
عمر الحب ما يجي بالغصب ولا ينشرى بكنوز الدنيا ابد..
الحب يجي بالطيب بالمودة بالثقة بالرحمه وكل هذه الامور
تحتاج للفعل الطيب ....
هذا الحب رحمه وتسامح و مودة وقبل كل شيء الصدق فلو كنت احب شخص بصدق اعمل كل اللي يرضيه.......
واكيد ربي وربه بيوفق بيننا .. اما لو كنت مزيف المشاعر وكاذب على نفسي وعليه ..
اكيد ربي وربه رايح يطغيني ويطغيني حتى يغضب علي والعياذ بالله ...
((اعتذر عن الاطاله .. وانتظر نقاشاتكم حول الموضوع))
|