السلام عليكم

كيف حالكم صبايا ,,, اليوم جا على بالي اني احط هالموضوع واللي راح نتكلم فية عن مواقف صارت لنا بالكلية بأسلوب شيق و ( مهذب )

وأيضا راح اتكلم عن أول سنة دراسية لي بالكلية

نبدأ

.. بعد تفكير قدمت اوراقي الى الكلية و طلبو مني مبلغ 500 ريال لأختبار PET .. وعملو معاي مقابلة " طبعاً كنت اتوقع انو المقابلة يوم الاختبار " بس طلعت يوم قدمت اوراقي
المهم صار خير ,, قالو لي متى الأختبار ,, اذكر انه كان 16 شعبان << :58545:

صرت أستعد للأختبار و أبحث بالنت عن هذا الاختبار ونوعيته .... الخ

يوم الأختبار عطونا أرقام وهي أرقام SNC اللي راح تلازمنا بالكلية طوال فترة الدراسة
طبعاً في رقم UU وهو رقم لطالبات النيرسنج

نرجع ليوم الأختبار ,, الأختبار كان بالدور الاول دخلنا الClass وزعو الأوراق و بديت اجاوب طبعاً
أختكم عملت خطأ كبيييييير جاوبت على جزئيتين فقط من الأختبار ولمن ضلت 30 دقيقة أستوعبت الباقي وقتها وقف مخي ما عرفت شنو أسوي , خلص الوقت وسلمت اوراقي

بعدها بكم يوم وصلتي رسالة على الموبايل في انة ما تم قبولي لاني ما جبت الدرجة المطلوبة , واني أقدر أعيد الأختبار بعد أسبوع بس ادفع 250 المهم قلت راح اعيدة

واتصلت لهم وقلت لهم راح اعيدة ...

* في خطأ بعد صار انو لمن شرحو لنا الأسئلة وكيف نجاوب قالو لنا هذا من وقتكم وكنت اسمع لها لهذا ما أستفدت من الوقت !

بعد أسبوع رحت أختبر طبعاً عرفت شنو السالفة وشنو أسوي ,, بس قالو لي الستيودنت افيرز أروح محاسبة المستشفى أسلم 250 ريال ,, >>> وانطلاق

لمن رجعت الكلية قالو انو الاختبار بعد 10 دقايق

نفس الشي ركبنا للكلاسات ,, بس وزعو الأسئلة عطول بديت اجاوب بدون ما اسمع اي شي
و الحمد لله حسيت نفسي قدمت احسن من قبل بواااجد

كم يوم وصلتني رسالة بانة تم قبولي في برنامج التمريض ,,,

طبعاً لمن رحت اسجل قلت لها ابي تبع الموارد ( نفس الشي وصلتني رسالة يوم الثلاثاء بأني ادفع 3000 للموارد ) .. وقلت خلاص يوم السبت اول يوم دوام بس اوصل بسلمهم الفلوس


أول يوم دراسي كان حماس ,, أشوف البنات وكل شي ,,

طبعاً اللي بيسأل عن ورقة الفحوصات ما سلمتها الا بأيام الدراسة لان في أشياء ما خلصتها

ركبنا الكلاس و قسمو البنات الى قروبين A-B

* تعرفت على بنوتة بالمنتدى و الحمد لله كله مع بعض بس شكلنا بأول أيام الدراسة فلتة ما ندل شي بالكلية حتى بعد فترة صرنا نضحك على حالنا هههههه كلما تذكرنا


يتبع ,,,,