السـلام عليكم ورحمة الله وبركآته ,,~
روآد وأعضآء ,, الجآمعةة ,,~
شرفني الشآعر : ((شآعر رآيق))
بالدعوة ولبيته ,,~
ويشرفني إن أكون أحد الاعضآء ,,
وحبيت تكون مصآفحتي الإولى ,,
بنزف قلمي ,,~
أتمنى أن تحوز على رضآكم
,,~
..
مدخل ,,~
مابيــن (غفوة أنين) وبين (غفوة حنين)
تبقى جروح المحبه صعب(ن) إعلاجها
والجادل اللي علــيها (يحسد) الحآسدين
راحت وانا فــ الليال السود ( محتاجها )
تقول مهـــما قســت (دنياك) تــالي تلين
واقول طــالت وهي (معقودٍ حجاجها )
..
ياعمي الدنيا (..سلوم وتــقـالـيـد..)
...........................ومن ضيّع الثنتين ماعـــاش دنياه
حتيش لو صيته وصل لا اخر البيد
...........................وحتيش لو ماله تخبـّى .. بـمخـبـاه
يبقى على الدنيا خـــويّ المــــناقيد
...........................ويبقى عــليها مطلـق(ن) داه ورداه
ولا الــذكي من شـــال معه العناقيد
...........................عابـــر سبيل وجـــنة الخلد منصاه
يفرح مع السـجده مثل فرحة العيد
...........................ويهل دمع الــخوف من ربّه اعلاه
مــآ قولبـــت دنيـــآه همّ وتــناهـــيد
...........................وان قولـــبت دنياه مآ قآل لك ..آه..
قيّد همومه داخل ضلـــوعه بقــيد
...........................ولو تفتح ضلوعة تشوف المعانآه..!!
بالله لا تكثر عليه ( ..التنــاشيد ..)
...........................كلــمـة تـفـلّ اقصـــاه لا فلّت ادنــاه
يكفيك عايش دنيته .. شـــــبحه بعيد
...........................ويعطي من قطوف العمر بالمساواه
مآيعرف الخدعة ولا يــــعرف الكيد
...........................ولآ يركي إلآ الطيّب إن طآب مركآه
ياحظه اللــــي عــــاش دنياه يا عبيد
...........................مثله ومثل اللي يــــعيشون.. شرواه
..
مخررج ,,~
يا ولد,, والمعرفة تبغى عزيمـه
المراجل جمل الله من عرفها
لا يشابه همّك لـ هم البهيمه
والبهــيمه همّها حزمة علفها
..
وسلمتو ,,~ 