مجرد نصيحه :*
كثير بنات اهتموا بالمظاهر ونسوا اهم شي الًدراسه والحين يطاردون من مكان لمكان يبون استثنائي عشان يرجعون*
انا ماقول لكم تعالوا مهدلين*
بس لايصر هذا الشي اكبر همكم*
يعني اكشخوا بالمعقول ولاتقولون الامن ماعليهم مني وتستقوون ترى انفصلوا بنات وفي بنات وقفوهم ترم وسبب الامن يعني لاتستهينون فيهم*
بعد الدكتور مو زي الثانوي تتهاوشين مع المدرسه وخلاص تبي تفتك *لا هنا غير لها الاحقيه تحرمك. من الماده يعني رسوب مو زي الحرمان ، شي مؤلم لو تدخلين تختبرين وترسبين ولاتاخذين حرمان *لانها تاثر حيل بالمعدل ولاتصدقون الي يقول ماتاثر ودي اشرحلكم ايش الفرق الي تسويه بالمعدل بس مابي ادخلكم بدوامه رياضيات*
في السنه التحضيريه الترم الاول الدكتورات اجباري منهم فادعوا يكونون كويسات*
الترم الثاني انتم تدخلون موادكم فحاولوا تستفسرون قبل عشان نساعدكم*
..
اهم نصيحه كنتي طويله كنتي قصيره غير الفلات لاتلبسون او الرياضيه كمان اما الكعب فسلميلي علي رجولك*
كليتنا بلاطها للكعب مو مريح خصوصا اذا تبين تفرفرين*
واذا تقولين بجلس بقولك اذا مشيتي من بوابه الخارجيه الي بوابة الكليه ساعتها بتكرهين نفسك اذا لابسه كعب لان المسافه ابدا مو قصيره هذا اذا بتصعدين درج بعدها مصيبه*
كمان نصيحه : ترى بالجامعه عندك 3 غيابات و 4 حرمان وساعات 5 هو الحرمان بس مو دايم تاكدوا قبل كم غياب وبعده حرمان*
يعني اتركي الهذره مع الي جنبك تسبب بطردك لاتستفزين الدكتوره لاتحاولين تستظرفين لانك ماتدرين ايش نفسيتها فعشان ماتروحين ورى الشمس*
اهم من هذوووووول كلهم وبقولها وبدون اي احراج*
( الريحه ثم الريحه ثم الريحه ثم الريحه )*
هذي عندي اهم من اي كشخه بالدنيا تكفون ركزوا عليها وانا اقولكم جيبوا معكم كمام احتياطي لان ساعات بتعيشون اجواء رعب مقززه انا ماقول كذا مبالغه لاوالله ساعات تحسي كان المكان عباره عن ( تريلة زبايل ) وانتكم بكرامه*وللمعلوميه هذا الشي ممكن يكون في الكلاسات وممكن بالممرات واصعب شي بالدرج يالله عذاب *
صح في نظافه والعاملات في كل مكان بس انا اتكلم ان هالروايحه جسديه *
..*
نسيت اقولكم
كافتيرية الكليه خارجيه يعني تطلعين لها*
وفي مكتبه فيها دفاتر واقلام ملفات ووووو*
وفي مكان لتصوير*
وبسسسسس الي الان*