كل اللي اقدر اقوله لكم
من شي تعلمته خلال 4 سنوات
مهما كانت علاقتكم مع البنات انتبهو زين لان والله كل معادن البنات تبين سنه رابعه تطلع بحق وحقيق
فانتبهو بنات
اكتبو محاضراتكم بانفسكم
اشرو كتبكم اول باول
قد ماتقدرون لاتحتاجون لاحد
اذا احد احتاج منك تصوير ملزمه او اي حاجه قولي لها ولايهمك انا بصور لك وابعطيك نسخه
لاتخلينها تاخذها منك يوم يومين 4 ايام وبعدها ترجعها قله ذوووق ولله
معليش جو المذاكره بيكون موب حلو لكن لو ضغطتي على نفسك من البدايه
بترتاحين وقت الفاينل جداااا
انتبهي لاتذاكرين قبل الفاينل بيوم او يومين لان هذا غلط
ولو نجحتي بتنجحين بمعدل عادي
لاتقولين انا ماعرف اذاكر الا قبل الاختبار بليله ولاقدر اركزز كذا وبنسى بسرعه
ابقولك انتي بالكليه ياحبيتي مو الثانوي غصب عنك تحلين الواجب وغصب عنك تحضرين الحصه
الحين انتي كليه بكيفك عمرك ماحضرتي محاضره ماحد بجابرك لكن انتي بتدفعين الثمن بالنهايه
وبعدين والله ثم والله ثم والله نظام الكليه كل بنت تقول نفسي نفسي
ترا ماحد بصافط لك خير الا فيما ندر وقل
ماحد بيجيك ويقولك يله عشان خاطري ذاكري وانجحي واستجهدي
ترا ماحد درا عنك
تذكري للضحك وقت وللوناسه وقت
لاتضغطين على نفسك لدرجه تزززهقين
لكن وازني بين وقت الوناسه ووقت الجد
حاولي توفرين غيابك للامور المهمه ماله داعي تسحيب من البدايه
ترا سنه التحضيري هي كفيله تزرع صورتك عند دكاترك وعند الاساتذه فكوني صوره حلوه
عشان بكره لو صار شي او حاجه يمديك تاخذين وتسولفين معهم وبيقدرون ظروفك
موفقين ان شاء الله