فقدتك يادفا الوجدان يادانة بحر غدار
فقدتك لاتلوم القلب وان ثارت شرايينه
فقدتك واستفاق الليل من نوح القلم محتار
على روحي كتب همه رسم طيفك عناوينه
أفكر وش جنيت أبكي اغيب بثورة الاعصار
وحسبي خالقي ربي ولايخلف موازينه
وحسبي ودنا لوحه أبروزها علم تذكار
حظيظ اللي ترك دنيا وفاز اللي شرا دينه
مشاعر خلتها ثكلى تداري همها باعذار
ولكن من يرد الشوق من يطفي براكينه
ألملمها تبعثرني اعاتبها على ما صار
ولاتسقي دموع اللوم من جفت بساتينه
وداعي والرجا ساعه هنيّه في زمن دوار
ويصفى لي عتام الوقت والفرقى براهينه