تخيلوا لو اسبوع واحد فقط عمال النظافه ( يضربون عن العمل ) ومايشتغلون
كيف راح يكون حال الحي اللي انت ساكن فيه ؟
كيف بتكون المدينه اللي انت فيها ؟
كيف بيكون برميل الزباله اللي عن بيتك ( الله يكرمكم ) وكيف بتكون الروائح في حيكم ؟
***********************
فالحمدلله اللي سخر لنا ( رجال ) قذف الله في قلوبهم الصبر اللي انت ماتصبر مثل صبرهم
عامل النظافه يعمل تحت اشعة الشمس الحارقه لمدة لاتقل عن 9 ساعات مع الغبار والروائح الكريهه ويعرض نفسه وصحته للأمراض
واحيان يعمل تحت المطر والبررد القاارص
ومع كل هذا راتبه لايتجاوز ( 400 ريال ) فقط
إنسان ترك أهله وأبنائه بحثاً عن لقمة العيش ( الكـــــريمه الشــريفه ) ليخدمك ويحافظ على نظافة بلدك رغم انها ليست بلده
ومع كل هذا للأسـف فيه كثير من الشباب ( الضايع ناقص العقل والرجوله والمروءه عديم الأحساس والإنسانيه ) يجيك ويطقطق على العامل ويأذيه
وأحيان ممكن يضربه او حتى يصدمه بالسياره ويرفع صوته عليه حتى وان كان بكبر أبوه
شباب يتعاملون مع عامل النظافه على انه ( عبد خادم أو حيوان ) ويتناسون انه إنسان مثله له مشاعر وقلب ويتألم ويبكي
فكم مره نسمع ان الحكومة وجدت ( جثة ) في براميل الزباله لمواطن مفقود يبحثون عنه من سنين او ايام
ونجد ان الذي وجدهم وبلغ عنهم هو ( عامل النظافه ) واش اللي خلاه يروح يبلغ ؟
هي إنسانيته ومشاعره واللي كان ققال في نفسه ( بلد ماهي بلدي وناس ماهم ناسي ) اش علي فيهم ــ
والعتب كثيراَ على الوالدين اللي هم من المفترض يعلمون اولادهم من الصغر ان العامل هذا إنسان وله اهميته في البلد يستحق الإحترام والتقدير
واننا لازم نتساعد معهم في رمي القمامه في مكانها المخصص على الاقل نتساعد معاه في الحفاظ على بيئتنا والحي نظيف
والمكان النظيف عنوان اهله .. واحنا اولى بتنظيف بلدنا
ولاننسى أن أماطة الأذى عن الطريق صدقه ... فيابخت عمال النظافه فكم من صدقات يكسبونها
مابي اطول اكثر .. لاني مهما تكلمت ماراح اوفيهم حقهم
ولكن اتمنى ان تتساعدون معهم حتى وان تصدقنا عليهم فهم يستحقون منا الكثير خاصة انهم مظلومون في رواتبهم المتدنيه
وعلموا اولادكم كيف يحترمون عمال النظافه او اي أجنبي فالغربه صعبه ياأخوان .. ناس تاركين اهلهم واولادهم حتى انهم يصرفون عليهم بالحلال
ويحملون كثير من الهم .. خاصة لما يكون احد ابنائه او والديه مريض وهو هنا مايقدر يسوي شي
انا بترك لكم هالمقــطع اللي حــرك فيني كثير .. عساه يحرك فيكم كل خير