|
رد: تـعـالوا نستـفيد من بعض ..كيفــ تعلمـتــ اللغه الانجليزيه ؟..؟
السلام عليكم :)
همم اولا عشان تتعلم لغه انا احس لازم تكون تحبها حتى لو شوي
انا احب الانجلش من وانا صغيره , بعدين كنت اتفرج افلام كتير مو بس اقرا الترجمه اركز بالي يقولوه
عشان كدا حفظت كلمات كتير , بس طبعا دا مو كفايا ابدا ..
الكتابه حقتي كانت لسى سيئه ..
بس انا انسانه احب اتفرج برامج اسيويه يعني مسابقات وكدا .. واحب اقرا قصص وروايات
عشان كدا قررت اني حتفرج البرامج دي بترجمه انجلش اول كونت اطفش لاني مافهم كتير واوقف كل شوي عشان اقرا هههه
بس دحين خلاس اقدر اتفرج ع البرامج وافهم بدون ما اوقف الحمد لله .. ولاني احب اقرا روايات بالانجلش
كل يوم بتعلم كلمه جديده وسارت كتابتي احسن بلس انا اتكلم مع ناس اجانب زي بالتويتر
عشان اضطر اني بس اكتب انجلش .. وما استحي اغلط لاني اقلهم انو الانجلش حقي مو بيرفكت
يعني برائي عشان نتعلم لغه لازم نتعلمها بطريقه بنحبها
ولازم نستمر نتعلمها كل يوم .. لانو بس تبعد عنها بتبدا تنسى كل شي تعلمتو
سوري طولت عليكم ^^'
بس عنجد القراءه كتير بتحسن اللغه وكمان تسمعو برامج بالانجلش بالمرا مفيد ..
|