سلام عليكم يالحبايب .. < وين بدرك عن غايب بان في طلتك لي ..
اليوم 7 رمضــان ..
نمت البارح الساعه 7 الصباح < قصة مع هالـ 7 متفقين !!
جات الخادمة تصحيني .. لووولي اصحي نفر في موت صحيت مفجوعه يمه من مات ..
نزلت لقيت الوالده طالعه واخوي حيحا الله يحفظه جالس يلعب دوري في البلاستيشن ..
: سلامات ايش صاير هالانسانة خرعتني تقول نفر موت من مات ؟؟
اخوي : ولد الجيران توفى ..!
: ولد من من الجيران ؟
اخوي : فلان لفلاني ؟
: انا انخمدت بمكاني لا اله الا الله استغفر الله الموت حق بس ايش اسبابه يعني الرجال شباب متزوج وعنده بنتين ولد يعني عمره ماتعدى 33 سنة
اخوي : اليوم الصباح لمن خلص الصلاة بالمسجد طلع للبحر وخذته الماي وغرق
: مــات غرقان !!!!!!
الموهم وطبعا لان الوالده الله يطيل بعمرها طلعت راحت لأمه وكيذا لانهم مثل الاخوات ..انا طبخت اليوم
رجعت اميمتي على المغرب صلينا وفطرنا ..
راحوا اخواني للمقبرة يدفنونه .. مع اهله .. ولمن ارجعوا قلت للوالده خل نروح نشتري لفطيم اختي مريول للمدرسة قالت اوكي ..ورحنا وطبعا مت مووته من الحر لا الحر عندنا قوووي اهل الشرقية اخوي ظهر البياض عنده على حقيقته من الحر ..
الموهم طبعا السوق لا يخلي من بعض النذذلين مثل مايقول بدر صالح ..!
ولله الحمد انا لازلت بعبايتي الراس يعني حتى وان كان الكتف للافراح بس اسواق هنا هنا بعباية الراس والحمدلله محتشمة واخوي اول مره اروح معه سووق ..
الموهم وكل شويه ماقال انزلي الشيلة على النقاب عيونك فتنه اي فتنة يرحم امك اخر شيء قال تبين الشباب يلحقونا عصبت عليه وجلست ابكي والله من جد من الحر ومنه طيب سووق الله لايعطيني زوج مثل التعقيد الي عنده ..
الموهم يازينه حب يراضيني من بعد البكااء الي بالسوق واشترى لي شنطة ماركة هيرمس وغاليه كثير ههههههه يالله توه مستلم راتبه يحلله شووي واشترى لي مودم .. يعني دلعني ..
امي تقول هذا انت بكيتي على اخوك وكيذا صار اجل شلون شسمه ..
أثر البكاء عندهم يطلع بنتيجة .. لو كثرت شويه خذ لي جلكسي iiis
آخر اخبار شغالتنا تبي جوال ابو شريحتين ومضربه عن الطعام السعودي تبي تفطر باكل اندنوسي يالله وراحت اختي معها الى احد البقالات الاندنوسية .. < بالعافية مقدما هع هع .
آنا مدري شفيني ضايقه فيني الوسيعه والله :"( الله كريم ..!