|
رد: ميته من القهر الله يسعدكم ساعدوني
حياتي ميار تعالي معاي وخلينا نبكي جميع انا وانتي احسك وانتي تقولين معاناتك كاني انا الي اقولهاااا
نفس معاناتي بالضبط اول شي تمنيت تربيه خاصه والسنه الي قررت اني بسجل فيه سكرووه 
وقلت خليني انتظر للسنه الجايه يمكن يفتحونه بس للاسف قالو خلاص اكتفو اصلا من الطلاب وماراح يفتحونه 
وبعدها قلت خلاص بتوكل على الله وبسجل ادراة اعمال قسم حلو ومستقبله بعد حلو بإذن الله وووو لمن قرب التسجيل اعلنو انهم راح يحطون قسم جديد الي هو تقنية المعلوماات وانا طررررررت من الفرحه  قلت زين اني صبرت للسنه هذي من حظي الحلو وقعدت انتظر يوم التسجيل بفارغ الصبر تعبت نفسيتي من كثر ما افكر متى يبدا التسجيل وكل هذا علشان هالقسم هالاقشررر
واتفاجأ يوم التسجيل انو موموجود هالقسم لو انك شايفه وجهي ذيك اللحظه اشوي وبصيح انقهرررررت وربي
وماسجلت ظليت افكر وافكر واسال مثلك واستشير والي يقولي بيفتحونه الترم الجاي والي يقول السنه الجايه والي يقولي انها يمكن دعايه و موصج رحت شاورت اعز الناس على قلبي وانصحوني اني اسجل في قسم الاداره لاني كنت ناويه اسجل فيه قبل لايطلع هالخبر الي كلو تحطيم ولا اضيع علي سنه ثانيه واجتهد واجيب معدل حلو واذا صج صدقو السنه الجايه وحطوه احول عليه 
وبس وانتهت قصتي الماساويه مع هالقسم
عاد الحين انتي فكري زييين وعلميني بقرارك والله يوفقنا جميعا
الى الامام
|