صباح الخير صباح مايليق الاباحبابي
الحلقه الرابعه
المسكينه جلست بغرفتها وساكته ماتتكلم الا مع عيالها ماتبي تحسسهم بشي الين تشوف حل للموضوع
وطبعا ابو سروال وفنيله كل شوي يجي يطق عليها الباب ويحاول يتناقش معها وهي تقولها بكل ادب ارجوك اجل النقاش لحد ماانتهي من دراسة الوضع (كلها عقل وحكمه)وبعدين نتناقش
الرجال طلع من البيت وهو مهموم مايدري وين بيروح تفكير المدام هي بتطلب الطلاق بسبب الصدمه ويقول في نفسه معذوره زوجه وعيال ومن ثمان سنين مالومها بس انا احبها ولايمكن ارضى اني اتخلى عنها لو تطلب الطلاق كل هذا يكلم نفسه ويكمل الهواجيس ويفكر يمكن تقولي طلقها وتسامحني بس وش ذنب الثانيه وراح دار الرياض كلها وهو يفكر الين وصل بيت زوجته الثانيه وعلمها بالسالفه وطبعا تاثير الموضوع فرحها لانها ودها تعيش حياة طبيعيه زوجه رسميه مو بالسر وتزور اهله وقرايبه وفكرت معه بحل وقالت وش رايك نروح انا وانت والبنات ونزورها بكرا في البيت .طبعا الرجال طارت عيونه وقال انهبلتي تبين الحرمه يجيها شي وقالت له وشفيك طارت عيونك كل هذا حب فيها وانا مافكرت فيني كل هالسنين عايشه بالسر لااعرف اهلك ولا احد يزورني من قرايبك ليه انت اناني ماتفكر الا بنفسك . اسمعني ياحبيبي انا ماصدقت ان الموضوع انفتح وخلاص انتهت ايام الغربه اللي كنت عايشه فيها ولازم ننهي السالفه وزوجتك الاوله انا اتفاهم معها والرجال تلخبط مايدري يرضي الاوله ولا الثانيه وطلع من البيت مايدري وين يروح ومالقى الا واحد من اصدقاه المقربين جدا وطبعا مايدري بالسالفه (يمكن انا ويمكن لا) وفعلا دق على صديقه وقاله محتاجك اليوم وهذا يومك ياصديقي وقاله تفضل تدلل محتاج فلوس انا جاهز كم تبي رد عليه قال ياليت الموضوع فلوس كان دبرناه وانتهى الموضوع السالفه يبي تسمع مني وتعطيني رايك قاله صديقه ابشر كلي اذان صاغيه
ونكمل الحلقه القادمه صلاة الفجر