|
رد: ♥♥ ◄███▓▒░لًمسَتهّ آيقظٽ ٽڷڪّ , آڷإميـَـَـَـَـَـَـَـَژھ |●● ..░▒▓███►♥♥ مُدَوَنَتّيِ ♥ !
صحيت اليوم على الساعه 6 المغرب .. طبعا امي كانت زعلانه علي لنومي المتأخر وقررت تاخذ المودم هاهاه
< على جثتي 
الموهم راضيتها بكم كلمة حلوووة وبشرط اروح مع فطيم اختي للمشغل علشان المريول عالساعه 9 اخذت القماش والمقاس ورحت معاها للمشغل قالت لي زحمه مانقدر وافترينا فررر عالمشاغل كلهم زحمه آخر شيء قررنا نروح لبو هنود .. الخياط .. ومافي غيره كان يحل ازمات هذا الخياط اذا كل المشاغل عيت تخيط لي مريول المدرسة
مااروح الا له .. الموهم اول ماناظرته من خلف زجاج المحل قلت الله ياخذك فقعت قلبي ايام الثانوية .. هو ناظرني ودرى انو انا الي دايم اروح لها اخر البشر ..
دخلت وشوفوا الحوار العالمي ..
: ابي اسوي عندك مريوول
الهندي : مايقدر زحمه ( من غير نفس )
عاد انا فاقعه مرارتي من الحر : قلت له مو لي يالاثول حق الصغيرة
الهندي : وكيف موديل
اخذت الكيس ووريته الموديل والقماش كان عااادي جدا اللهم رابط الخلف وبث بدون زارير ..
الهندي : اوكي وسع ضيق ؟
: وسع من كل مكان اصبع ..
الهندي : اوكي هذا يخلص العيد ..
حسيته يتسخر علي بمعنى بالعيد : قلت له وكم بالعيد
الهندي : يعني تعال 25 رمضان يمكن خلص ..
: اوكي وابي اسوي عندك تنورة
الهندي : هذا بعد مدرسة
: لا مايمدي وبعدين بدون اي مديل ولا شيء ..!!
الهندي : بعد مدرسة ..!
: طيب سوي فاتورة بكم راح تسويه ؟
الهندي : 90 ريال
: شنو الي بـ 90 ريال ؟؟!!!!!
الهندي : هذا مريول
: اسمع هي 55 ريال مافي غيرها ..
الهندي : لا كيف 55 ريال
: توك البنت الي من شوي مريولها مليان حركات قلت لها 70 وهذاك كبير هالحين طفلة بـ 90 ريال اقول انقلع لابوك لابو الي يجي يخيط عندك ..
وجاء اخوي ودخل هو ناظر اخوي قال خلاص ماما : سوي 55 ريال ..
: تخسي انت ولدي يالله
والله هذا طلع عيوني اجل حرمه اذكر على وقتي جايبة له 3 قال لها 150 ريال وانا قال لي 170 ريال ليه سلامات
وهذا انا ضعيفة بعد بالثانوية بس الحق ينقال كنت لاعنه خيرها ابي حزام وابي خصر وغيره وغيره ههههههههه
الموهم هذا مره من المرات رحت له من زود الخوف 17 شعبان قال لي تعال 15 رمضان اخذيه قلت له بل عليك
شهر كامل حق مريول قال ليه مستعجله المدارس مو بكرة ..
الموهم ورحت له 20 رمضان قال لي ما اشتغل فيه من الاساس وانقهرت قهر 
رحت حق اخوي حيحا وقلت لها السالفة قال افا هذا يمصخر اختي هذي فيها قبايل الموهم ويروح معي للخياط
ويتخانق معاه قاله : كيف انت كيذا كذاب وهذا يسوي 150 ريال ويقول 15 رمضان في خلص وهالحين 20 رمضان ماخلص
الهندي : لاسوي قرقر واجد انا قبل 3 يوم من مدرسة في سوى حق هوو ليه انت كيذا يبغ سرعه سرعه
عاد اخوي خلاص وصل حده قال له : اسمعني عندك 3 ايام ياتخلصه يابخيطك مكانه
هو من سمع كلام اخوي ونظراته خاااق وخق العافيه .. وفعلا راح له اخوي وكان خالص ..!!!
الموهم طلعنا من الخياط ودخلت الخياط الثاني ..! هذا نكته الخياط صار له مايقارب 20 سنة هنا ..
الموهم اخوي راح يحرك السيارة لان ناس يبون يطلعون وهيك ..! فدخلت
السلام عليكم ..
الهندي : وعليكم السلام شهوالش شخبارش
هههههههههههههههههههههههههه يتكلم مثلنا بس على هندي
: ابيك تسوي لي تنورة بدون اي حركات اللهم مطاط عند الخصر بدون شيء طيب وجيوب مخفية
الهندي : على هزا الخشم
ههههههههههههههههههه
: طيب متى تخلص ؟
الهندي : تألي ليي 7 شوال يمكن خلصتها
انا بس قال كيذا فطست ضحك تألي وين ايي ههههههههه
الموهم
: سوي مزبوط وكم سعر في سووي ؟
الهندي : 30 ريال
ياحبي للخناق مع الهنود يعني مو بخل بس احب اعاندهم بالسعر يهبلون ههههههههههههههه
: ايش 30 لالا مافي
الهندي : خلاص 25 ريال
: اوكي خلاص وهذا مقاس ورتبها اوكي
شاور على عيونه وقال : من أويوني
ههههههههههههههههههههههههههههههههههههههه تسلم عيونك يالاثول
الموهم وطلعت وانا فاااطسة ضحك عليه يعني يتكلم سعودي بطريقة رهيبة !!!
ورجعنا للبيت ..
بروب 
|