الســـــــــــــــــــلام عليكــــــــــــــــم ورحمـــــــــــة الله وبركــــــــــــاته
صبـــــــــــــــــاح الخيــــــــــــرات والمســـــــــــرات
ومســــــــــــــــاء الووووورد والعنبــــــــــــــــــــــر
إذا المراجـل لبسـة شمـاغ وعقـال *****قـل للـعـذارى يلبـسـنّ العمـايـم
ما عاد يفـرق زول حرمـه ورجـال***** دام الفعايـل تشبـه البـعـض دايــم
المرجلـه مـا هيـب كلمـه وتنقـال *****وتروح مـا راحـت هبـوب النسايـم
المرجله شيمـه عـن القيـل والقـال***** رفيع نفـس (ن ) حـر بالجـو حايـم
المرجلـه عقـلٍ وزن وزنـه جبـال *****ودون العقـل وش فرقـنـا والبهـايـم
المرجله يا خوي هـي طولـة البـال***** هـي العـزم هـي الصبـر فالظلايـم
فيهـا الكـرم عـزه دلـه وفنـجـال***** فيها الكرامه عـن ردى الطبـع شايـم
والدين لامنـه خـذا القلـب منـزال *****مشـى طريـق الحـق وابليـس نايـم
ومن لا عرف ربه في طيـب الحـال *****لابـد وقـت الضيـق بالـهـم هـايـم
حتى صلاتك مع جماعـات ورجـال *****في خيرهـا يـا خـوي نعـم الغنايـم
ولامن نصف ليلك قـم صفـي البـال***** يا عظـم أجـرك بيـن ساجـد وقايـم
ولا من رفع ربي لـه كـل الأعمـال *****حسـن الذكـر لا قالـو فـلان صايـم
وخلك شريف القصد يا طيـب الفـال *****سـوء المقاصـد فالبـيـوت الهـدايـم
واحذر تبيع النفس فـي دب الأنـذال***** وتتبـع خـوي إبليـس راع النمـايـم
النفـس خيـل لـك إذا كنـت خيّـال *****ومـن لا قـوى نفسـه قوتـه الهزايـم
ولا صرت ما تدري لو يش أنت رجال***** والله خسـارة فيـك ذبــح التمـايـم
ولكــــــــــــــــــــــم اجمــــــــــــــل تحـــــــــــيه