2012- 7- 28
|
#2
|
|
متميز في ملتقى الفنون الأدبيه
|
رد: مـــــــــــواطن الامــــــــل ***********
يعطيك العافيه على الطرح الراقي سلمت يمينك وحفظك الرب
والابيات ذي ذكرتني قصيدة قديمة لي قبل خمس سنوات  
هات القلم واكتب جزيـلات الامثـال=
الــي بـهـا جـــزل المـعـانـي تـــلالا=
من هاجسـن فيـه الجزيـلات تختـال=
لـجـاء لهـاجـوس المـعـانـي مـجــالا=
ما كل من يلبس شماغ(ن) مع عقال=
يـسـلـك دروب الطيـبـيـن الـشـكــالا=
ولاكـل مـن صادفـت بتقـول رجــال=
عيب(ن) ترى كلمة رجـل لـه تقـالا=
المرجلـة صعبـة بـلا شـك واجــدال=
فــي صعـبهـا يالـقـرم مـابـه جــدالا=
المـرجـلـة تبغـالـهـا قـــول وافـعــال=
وعزم(ن) يهـز الثابـت مـن الجبـالا=
تبغالها رجـل (ن) وللصعـب حمـال=
يـاقــف ويـثـنـي مـايـهــاب الـثـقــالا=
يقدم ليا هابـو مـن الصعـب الانـذال=
ويشيـل حمـل الصعـب لـو مايـشـالا=
تلـقـاه فــي ســوق الثميـنـات يكـتـال=
عـن كـل هزلـة مـن شموخـة تـعـالا=
كلمـة نـعـم تـزهـاه صــادق وتنـقـال=
لــلــي ســواتــه للـثـمـيـنـات نـــــالا=
تفخر به اربوعة على مـر الاجيـال=
ذكـرة ينومـس مـع زحـول الرجـالا=
والـلاش لاش(ن) لـو يكثـر للاقـوال=
فــي كـــل طـالــة مـاخـذالـه مـنــالا=
يرخي حبال اللي معه صـار رحـال=
حـتـى لـونــه شـــد يـــرخ الـحـبـالا=
واختام قاف(ن) فيه جزلات الامثال=
منـي ســلام(ن) ياعـريـب الـخـوالا=
تقبلي مروري
|
|
التعديل الأخير تم بواسطة معطـــــاب ; 2012- 7- 28 الساعة 11:49 AM
|
|
|
|