المشاركة الأصلية كتبت بواسطة هاردلك ياقلبي

الدنيا سهله خالص

الخطوات من التسجيل لين الاختبار بسرعه طبعا كتالي

1- التسجيل في موقع الجامعة تنتظر اسبوع لين ماتطلع النتائج بعدين تشيك على اسمك وغالبا مقبول
2- تسدد المبلغ في بنك الرياض وتاخذ الايصال ومع شهادة الثانوية وصورة لخشتك اذا انت رجل مع صورة لبطاقة الاحوال او صورة من دفتر العائلة للبنات وتروح لاقرب بريد وتعطيهم وهم يسوون كل شي ويرسلونها
3- بعد اسبوعين ثلاث على حسب تجيك رسالة ترن ترن يقولون لك ترى وصلت اوراقك بالسلامة (انتي يالجامعه)
4- ثمن تنتظر شوي بعد يرسلون لك الرقم الجامعي والرقم السري
5- ثمن ايضا تنتظر لين يقولون يلا ادخلوا تدخل بالبلاك بورد وتبدا عاد بالشغل القامد
6- طبعا هم بالترم الاول ينزلون لك 5 مواد وكل ماده بثلاث ساعات - رياضيات 1 ومحاسبة 1 واقتصاد جزئي وقانون ومبادي ادارة اعمال
7- لكل ماده 14 محاضرة مع 3 محاضرات مباشرة لازم تحملها او على الاقل تناظر فيها وراح تنحسب لك بالاخر 10 درجات
8- لكل ماده ايضا ثلاث واجبات مجموع اسئلة هالواجبات الثلاث عشرة اسئلة يعني راح تاخذ بعد 10 درجات
9- واخر شي فيه شي اسمه المناقشه لكل ماده بعد 14 مناقشه تخلصها كلها تاخذ بعد 10 درجات يعني يصير المجموع 30 درجه يعني بتدخل الاختبار ومعاك 30 درجه من اصل 100
10 - طبعا النقاط 7و8و9 لاتخافون الدنيا سهله خالص بتلقون في المنتدى هذا موضوع خاص لكل الواجبات والمناقشات يعني تطالع وتحل بالاسئلة ونسخ ولصق بالمناقشات
11- جاكم الموت ياتارك الصلاة الاختبار

ترى تعبت وانا اكتب يجي احد يقول مافهمت ولا شرحك مو واضح ابي اتوطى في بطنه