|
ياوش بقى بعطيك مني ولاجاك
يا وش بقى بعطيك مني ولا جاك
ما باقي إلا روحي أحيا بها لك
،،،،،
أوصف جمالك كل ما نشدت واهواك
وازين أيامي بجــلـسة خــيالـك
،،،،،
يا الغايب الحاضر بقلبي ولا القاك
اقرب من عيوني وصعبٍ منالك
،،،،،
شالك زماني عن عيوني وودّاك
لاشك وثق في ضلوعي حبالك
،،،،،
يا حاجبٍ شمسي ورى ليل جفواك
ما بالعهد بك قاسي في دلالك
،،،،،
وش غيرك يا منوة القلب وأطغاك
على حبيبٍ ما تخير بدالك
،،،،،
دنياي ما تصلح بلا شمس دنياك
واللّيل يوحش لو تغيب هلالك
،،،،،
ولا تشوف العين زين بلياك
ولا يطرّب سمعي إلاّ مجالك
،،،،،
ولا انتفض قلبي من الحب لولاك
ولولاك مايبدي علي مابدالك
|