لقيت تجربة شخص مع دبلوم التربية

بنقلهـآ لكم لآن مـآ اقدر اجيب الرابط اخـآف يقولون اسوي دعـآية ولا شي ويكرششوني

---------


خططوات التسجيل كانت
عن طريق تعبئة الابلكيشن في الموقع.. وتاكد من حروف الاسم الانجليزية انها مطابقة لجواز السفر
طبعا طلباتهم معروفة للجميع ( صورتين - شهادة الجامعة - اثباتك - وتسدد مبلغ التسجيل في حساب سامبا).. وتاخذ الايصال واوراقك وعلى الجامعة ..
طبعا لا تاجل وتقول بكره لانه احتمال فاي وقت يقولون اكتفينا بالعدد

بعدها عاد ينزلك المشرف الجدول .. ويقولك سدد المبلغ الفلاني وتعال افعل لك .. وتستلم الكتب..


الدبلوم التربوي :
ينقسم على ترمين ..
6 مواد في كل ترم ..
والدوام يومين كل اسبوعين يعني ( 4 ايام فالشهر )
الاربعاء مادتين 4-6 6-8
والخميس 4 مواد 11-1 1-3 4-6 6-8 ( حسب فرع جدة )

كل مادة تتكون من
واجب 20 درجة
اختبار دوري وحيد 30 درجة
احتبار نهائي 50 درجة..

درجة النجاح 50درجة .. بشرط ان لاتقل اعمال السنة عن 20 ولا النهائي ايضا عن 20


نبدء بالواجبات ..
عادة ماتعتمد على البحث في الانترنت والكتب والمراجع و يهتمون كثير بالمراجع ... ونصيحتي
لو جبت من مرجعين لا مانع انك تروح اخر المرجع وتنقل كم اسم من المراجع الموجوده فيه
وحط معها كم موقع الكتروني لان الدكاتره بسم الله عليهم مسوووين فيها ان المراجع مهمه..

واكثر شيء عقدني فالواجبات يوم احط له 4 مراجع ويقول المراجع قلــــيله ( بسم الله عليك ياعالم الذرة كم مرجع تبي ياوجه الـهذا !! )
وتجربتي الشخصية اعتمدت على نفسي في حل جميع الواجبات الا واجب واحد .. كنت يوم من الايام في خلوه مع شيطاني واطيح في شخص ما في شات ودفيت عليه واجب مقابل 75 ريال ) و جاني الواجب واعدله بنفسي وازبطه وانتكه وارسله
طبعا الواجب المنسوخ يقولون انه ام المصائب .. فالواحد لا ينسخ بالنص .. يحاول بدال مايقول
( هذا والله اعلم ) يكتب ( والله أعلم وأحكم )


أما الاختبارات الدورية ..
الترم الأول بالنسبة لنا كانت ورقية .. ومشي حالنا في دكاتره حددوا ودكاتره ماقصروا وفي نوعيه لا والله ماعطونا وجه
والترم الثاني .. كان اختبار من الكويت حسب كلام الدكاترة (اونلاين) يعني كمبيوتر صح وخطا واختر ووصل والدرجه بمجرد ماتخلص الاختبار تطلع لك..
طبعا اكتشفت الجامعة - المفتوحة- ان الاسئله موجوده فالمنتدى فبعض الاحيان تجينا الجمل معكوسة .. او منفية بـ ( لا ) أو ( لم ) اهم شيء يعكسون معناها او يغيرون ارقام لذا جرى التنويه




الاختبار النهائي..
غالب المواد تكون 20 درجة موضوعي ( صح وخطا واختيارات ) والباقي مقالي..
النصيحة اللي ممكن اقولها للجميع.. عليك بحسن الاسلوب وتكبير الخط وجمالــه..
اكتب كل ماتعرف ومالا تعرف .. واي شيء تحس ان فيه ريحة السؤال ..
اذا مطلوب تعداد 5 حط لهم 8 وهم يدورون الصح بس..( هذا كلام الدكاتره عندنا)
وترى السالفة اختبار مو (خطبه ) يوم انكم تستحون تكتبون ..
وخلوا مبدئكم نفس مبدئي .. اذا سووا نذاله فينا وصعبوا الاسئله .. انا انذل منهم واكتب كلام كثييير اتعبهم يقرووون
دائما اتخيلني الدكتور اكيد لو قريت صفحه باتعب فنصها واصرف للطالب ع الاقل 3 من 5 وهكذا..
هذي فلسفتي الخاصه .. ولله الحمد والمنه نتايجها حلوه في معظم المواد ..



نبدء في تفصيل المواد..





مواد الدبلوم الترم الأول:

مادتين عامه ..

- الحاسب الآلي: ويمكنك معادلاتها بشهادة قيادة الحاسب الدولية اذا عندك هالشهادة ..
او تدرسها وموضعاتها سهله من مبادء ونشاءة الحاسب والكلام النظري حتى الوورد والاكسل ..
واعتقد انها ماده للي يتعاملون مع الحاسب يجب ان لايقلوا عن الممتاز او الجيد جدا مرتفع..
واصنفها :سهله..



- مهارات التعلم الذاتي ..
تتكلم عن القراء السريعة و بعض مهاراة التعلم بصراحه هالماده خصوصا انا حبيتها احسها ممتعه
على الاقل اقراء شيء واستوعبه .. بدون خرابيط علماء واسمائهم وديارهم ..
واصنفها سهله..


- علم نفس التعلم والتعليم..
علم نفس يعني علماء ومدارس وسكيولوجيه و كلمات من اللي خابرينها .. بها كلام كثيير بصراحة
واقدر اقول انها من الوزن الثقيل شوي..


- مدخل للتربية..
تتكلم عن التربية و تاريخها و تعاريف وعلاقتها بالثقافة والتعليم و اقدر اقول انها متوسطة الصعوبة..

- تقنيات تعليم:
ماده حلوووه .. يعني من منا مايعرف المسجل والداتاشو و باقي التقنيات التعليمية .. سهله هالماده لو فهمتها مو حفظتها.. وخلك انت المولف وتوصف الادوات مو تردد كلام المولف..

- مناهج وطرق تدريس عامه..
هذي مادى دسممممممممممممه بصراحه .. تتكلم عن التحضير و طرق القاء الدروس و اعداد الاسئله وانواعها .....الخ




وكذا نكون انهينا الترم الأول ..