يمسيكم ربي برضوانه ( :
بالنسبة للمستويات فهي مش خطأ و النظام حسبها على الساعات اللي اجتزتيها
فانتي اجتزتي من الساعات ما يجعلك مستوى سادس مثلا فلنفرض
فيضعك النظام إنك مستوى سادس
ويكون تسجيلك يوم الأحد
لأن السبت لسابع وثامن
والأحد لخامس وسادس
والاثنين لرابع وثالث
ثم بقية المستويات
بغض النظر عن المواد اللي تبين تاخذينها هي سادس ولا خامس ولا سابع
أنت أكاديميا بالمستوى اللي النظام وضعه وهذا المستوى اللي أهلّك له ما اجتزتيه دراسيا
هذا ما شرحته لي دكتورة نهى جزاها الله خيرا وحبيت أنقله لكم
أنه مافيه خطأ بالسيستم وهذا مستواكم الفعلي
ولو تبون تتأكدون أنه مو خطأ
تقدرون تتابعون خطتكم وتحسبون كم الساعات اللي اجتزتوها وعديتوها
ومنها تعرفون مستواكم الأكاديمي
فاللي تقول انا مو مستوى سادس انا سابع ،
لعلها حملت مواد والساعات اللي اجتازتها مو كافيه تجعلها مستوى سابع
وهذا مش خطأ الكلية لكن يقع على عاتق الطالبة واجتهادها
فحساب الساعات اسلوب اكاديمي متبع بكل الجامعات
فلعلك من دفعة 2010 مثلا وتقولين انا مستوى سابع
لكن موادك الفعليه اللي اجتزتيها تجعلك خامس
فليس من حقك تسجلين مع سابع بحيث انك قدمتي نفس اللي قدموه دفعة 2011
يارب يكون وضح الموضوع لكم
حبيت أقولكم شي يا جميلات (":
ماذا تستفيدين من الدعاء على الجامعة والنظام و المدراء ؟
لعلك تعطلين العمل الأكثر
ادعي ربي يصلح قلوبهم و ييسر تسجيلك وتسجيل البنات و يجعل حال النظام أحسن
ادعي بالخيير اللي يريح قلبك مستقبلا وقلوب المقبلين على الدراسه بهالكلية
تفريغ الغضب باسلوب سيء له لذة لحظية بتروح على طول وبيعقبها عدم اطمئنان ونرفزة
اشغلو الدقائق اللي تستنون فيها المتصفح وهو معلق بالاستغفاار
وأكثري من : لا حول ولا قوة الا بالله ، حسبي الله عليه توكلت وهو رب العرش العظيم
قوليها من قلب وانتي مستشعره ان ربي القووي العظيم اللي خلق هالكون قادر ييسر امرك
وان ربي حنون ادعيه يمن قلبك قولي "رب اشرح لي صدرري.. رب اشرح لي صدررري يا كرريم يا لطيف ويسرر امري "
وبالصلاة استشعري وانت تقرين الفاتحة ( إياك نعبد وإياك نستعين )
من أعانه الله فمن ذا يستطيع أن يخذله أو يخيبه ؟
رب يشرح صدوركم ويطمن قلوبكم ويفتح لكم أبواب لطفه ورحمته وكرمه
وييسر لكم التسجيل على خير يارب ()