المشاركة الأصلية كتبت بواسطة عبدالمجيد مبارك

فضفضة .. لا أكثر ^_^
***

اول ما تخرجت من الثانوي ..
كنت منتشي بنشوة النجاح .. وفكرة اني خلاص بودع الثانوية و وزارة التربية والتعليم

ورح ارتقي الى وزارة التعليم العالي ..

كنت حيل مبسسوط .. وفرحان

واختبرت التحصيلي .. والحمدلله يارب نسبتي حلوة ولله الحمد
وجا موعد التسجيل في الجامعات
ولأن أهلي عقدوني بنسبتي ..!
سجلت بكل جامعات المملكة ..
و بعد التسجيل .. جلست ايام واسابيع وانا اتخبط في بحور التيه ..
رح تقبلني جامعة الدمام ولا لا .. رح تقبلني أي جامعة بالمنطقة الشرقية ولا مكتوب لي فراق اهلي .؟
كنت خايف جدا .. لا والله مرتعب ..
وجاني اول قبول في جامعة (المجمعة) وتخصص أعشقه (اللغة الإنجليزية)
وفرحت .. لا بل ثملت فرحا ..
وجيت ابشر اهلي وانا لازلت ثملا بالفرح ...!
ويقول لي أبوي .. ( لا .. اذا ما قبلت أي جامعة بالمنطقة الشرقية .. مو لازم تدرس)
ايع عادي ... وهو المتوقع ..
مدري كيف قال لي هالحكي .. وهو كان احد اطراف التعقيد .. وكان سبب في اني اشك في ان الجامعات تبي تقبلني ..
اهلي كانة موفقين وكانوا معي الا أبوي .. وكلمته ماتنزل الأرض ..!
وفي يوم الأحد .. 25/8/1433 هـ
وفي هذا اليوم كنت محدده للبدء في المعركة مع ابوي واقناعه بالموافقة على جامعة المجمعة
لكن

جاني قبول في جامعة الملك فيصل بالاحساء .. والتخصص (علوم) وياكرهي له من تخصص لكن
صدقوني ما بتعرفون قديش كنت منتشي .. وفرحان وطربان

كنت متأكد من موافقة ابوي للدراسة في الأحساء ..
والحمدلله وافق .. وارسلت اوراقي ..
وقبل ما يجيني أي قبول
اختي سجلتني في اختبار الـ itc التابع لأرامكو
طرحت الفكرة ومارفضت ..
وسجلتني ورحت اختبرت وكان اختبارهم حلو كثير .. وحليت تمام والحمدلله
و قبل يومين جاتني رسالة منهم على موعد الفحص الطبي
وقالوا انه (يرجى ملاحظة ان ذهابك للفحص الطبي لايعني قبولك في البرنامج.)
وبروح يوم الثلاثاء الجاي .. عشان اسوي فحصهم ..
مع العلم اني ما ابي أرامكو .. وما اشوف نفسي الا طالب جامعي ..
لكن برضوا .. رغبة أهلي فوق رغبتي .. و رغما عني ..
ولو حاولت اقنعهم .. رح اكون بعينهم (غبي .. ما يعرف مصلحته .. )

"
"
"

فضفضة (^_^) لا أكثر