|
رد: مواصلات من الجبيل الى جامعه الدمام " الراكه "
عندك شركة سريع الإنجاز جداً ممتازة ،
جربتهم العام بإختبارات السمستر الثاني .
لكن أسعارها مرتفعة ! .. ياخذ بالشهر 6000 ع السياره الوحده !
يحسب لك الروحه بـ 150 و الرجعه بـ 150 في اليوم
بتنفعك لو كنتوا مجموعة بنات بنفس الجدول ،
لأن مو كل وحده توافق تنتظر ساعه أو ساعتين على ما الثانيه ينتهي دوامها
-
وفي عندك شركة الزرم ،
استمريت معهم طوال السنة الماضية - ما عدا إختبارات السمستر الثاني -
عندهم فترتين :
باص 12 ، وباص إلى ما شاء الله
الشهر 1200 ، ولو كنتي بجبيل البلد 1000
من سوء الحظ ما يوصل لجامعتنا إلا هي !
وهذا الي مخلينا نستمر معها !
للآسف جداً سيئة !
مافي تنظيم ولا إهتمام بالوقت أبداً !
نخلص 2 وننلطع لين 3 ونص ، 4 ، 5 !
وفي أيام ما نوصل البيت إلا المغرب
غير البهدله كل يومين جايب باص شكل .
والباص الي يطلع 12 ، يوصلنا للآداب ونركب باصهم الكبير وإذا وصلنا الجبيل نوقف بمواقف الثانوية الرابعة
يوزعنا على باصات صغيرة حسب الأحياء
وأحياناً يكون مافي باص الساعة 12 ، وتخيسي لين 3
يعني مرمطة ، غير الأسلوب والتعامل الغير جيد أبداً !
لكن أمانةً ،
السمستر الأول عانينا بالبداية كم شهر ،
لكن بعدين جاب لنا سيارتين ، قسم نصنا بسيارة والنص الثاني بسيارة
وصارت سيارة تطلع 12 والثانية تمشي 2 ، 3 على حسب آخر بنت متى تخلص
جداً كنا مرتاحين ،
استمر الوضع طول السمستر .
والسمستر الي بعده . . عانينا فيه من بدايته لين نهايته الله لا يعيده !
-
أيضاً في شركة الجوهرة ،
هي بس توصل للآداب .
لكن احنا كلمناهم يوصلونا وقالوا بيشوفوا صاحب الشركة وش يقول !
البنات الي يروحوا معهم مرتاحين .
أنتي جربي كلميهم بعد العيد ، يمكن لو أكثر من وحده كلمت يطلعوا لنا باصات
أوككي تكلمت كثيير شوي ، أدري ! 
آسفه ع الإطالة الطويلة
 
|