ملتقى طلاب وطالبات جامعة الملك فيصل,جامعة الدمام - عرض مشاركة واحدة - جامعة الدمام طآلب بجآمعة الدمآم !! إذن تفضل والقلب داعي لك ..$:

طاقة ميانة · 2012- 7- 30

اقتباس:

المشاركة الأصلية كتبت بواسطة N9n9

أهلا أهلا ..

آآددري اني قلق وككذاآ لن معليه تحملوني هالفترره بسس..
شي طبيعي جدا جدا

أنا والله إني قلقان حددي مررره ما ادري ليه ..
لان دخول حياه جامعيه شي مجهول لك كذا تقلق منه

أعذذروني أخششْ على التفآاإصييل على طوؤل ..
تفضل

وإهي طبعا كم سؤآل وتكفون آبي منكم الإجابآت اللي تريحني وترييح زملائي اللي معي في التحضيريه..
ابشر

س1:-
هالحين نظام الدراسه كَ كُل كيف أنا مآ آستوعبت نظام الجامعه والمحاضرات إلى الآن ..
ابد نظام دراسه هو كتالي يبدا 8 وخروج يا 12 او 2 طبعا حنا بنات كذا مدري عن اولاد متى يطلعون
محاضرات ساعتين واذا لها معمل يكون معمل ساعه هذي مواد علميه
مواد عامه ساعتين
فـ لو سمحتوا وشش السالفه يعني كيف بنبدأ أول يوم دراسسسه على طول بدون مقدمات بدون شيء!!
الا اكيد فيه مقدمات على ايامي فيه دوره مهارات جامعيه يعلمونك كيف تذاكر وشو تسوي وشو احسن شي وشو سلبيات وايجابيات وكذا
ويعطونك ورقه بنك

س2:-
هل فيه تحديد مستوى لغه انجليزيه بالجامعه او لا
ويعني اللي عنده لغه كويسه الى حد(ن) مآ بيمشى ان شاء الله !!
حسب كليتك
لكن معلومه تحضيري راح لازم يدرسون ماده انجليزي اتوقع ترم واحد ويمكن تجيك كم ماده انجليزي يكون تدريسها

س3:-

متى تبدأ الدراسه بالكليه وكيف نظام الاجازات
وهل غياب يوم واحد يآثر عليك بقية التررم ..

مع مدارس تبدا
اجازات زي مدارس
شوف نصيحه خل غيابات اخر الترم ولا وقت اذا كان عندك اختبار صعب يعني وفرها
الغياب نفس ما قلت اخت اللي فوق
س4:-

هل هو صعب اني اجيب معدلات عاليه يعني 3.75 وفوق !!
وهل يبي لي اجلس شاد طول السنه التحضيريه ولا اتهنى ولا شيء ..
لا مو صعب تجيب معدل عالي
بقولك نصايح واسرار تكسب درجاتك
1- اكسب احترام الدكتور لك وخلك دايم محبوب معهم
2- لا تعصب على دكتور حتى لو اخطا وانتبه تنفرزه
3-جيب مشاريعك وملفاتك وواجبات وكل شي يطلبه منك دكتور بوقته يعني قال سلموا مشروع بيوم فلاني سلمه ولا تاخر لجل يعرف انك مجتهد
4-دايم شارك مع الدكتور واذاا عندك سؤال اسال ترى دكاتره يحبون اللي يسالهم طبعا مو كل دكاتره بس يحسون لما تسالهم انك مركز معهم
5- قبل اختباارات جيب ورقه وقلم وقول انا راح اجتهد وراح انجح وبجيب معدل فلاني وراح اشد حيلي وكل اللي بخاطرك وعلقها بأي مكان يخليك تشوفها كل يوم وشوف نتيجه والله انا مجربتها الله يسعدها استاذتنا هي معلمتنا طريقه وصدق تجيب مفعول
6- انتبه اصدقاء اللي راح تصادقهم ترى يأثرون بشكل ما توقعه
7- واحضر محاضره بدري وانتبه تدخل بعد دكتور

هذي شويه اسرار ومعلومات صدقني مفعولها قوي

س5 :- والأخير

المكافئآت كيف نظامها

اول 3 اشهر ما تنزل يجمعونها لك لما 3 شهر وينزلونها كامله بعدين يصير تنزل كل شهر لك مع رواتب ويمكن بعدها بيوم ولكن حسب معدلك وانتبه لا ينزل عن 3 ولا تحمل اي ماده لجل ما تنقطع
تكفون تكفون جاوببوا على هالاسئله وتاخذون اجري ..
جاوبت دعواتك
بإنتظآرم تكفون