|
رد: { بـووـووح ـآلخ ـوآطر .~
»قالولي انك طيب القلب مسكين
وانك بحالك والبشر حالها حال
وانك تعيش بوجه ماهو بوجهين
قلبك من الطيبة يجي مضرب امثال
قلت اعشقك واصدق القلب والعين
ماهمنا من قال وشلون ما قال
بين عليك حليو في طلتك زين
دمك خفيف وعشرتك تشرح البال
جيتك بصدق الحب ماقلت بعدين
ماقلت لك عطني من ايامك افضال
اشوف بعيونك مساحات غالين
صدقت حكي العين في كل الاحوال
لكن اشوفك تالي الوقت نصين
ما انته مثل الاول تغير بك الفال
فيك الدلع زايد عن العام ضعفين
تقرب شوي وتبتعد مرة اميال
ضيعتني في هالدلع بين مابين
مدري غلا والا دلع عشق اهمال
حيرتني مدري شسميك هالحين
حبيب والا وقت عابر ورحال
بس الاكيد انك تمكنت يازين
في وسط روحي لك مكانة ومنزال«
|