ملتقى طلاب وطالبات جامعة الملك فيصل,جامعة الدمام - عرض مشاركة واحدة - أبشروآ بالمكرمه الملكيه .. راتبين إضافيين + بدل سكن لموظفي الدوله ..!

مهند العتيبي · 2012- 7- 31

اقتباس:

المشاركة الأصلية كتبت بواسطة s3eed

اخوي مهند انا ضد كلامك وبقووه ... وهذا اللي ورثناه عن اجدادنا ( التكتم والخنوع )

انت تقول الفقر والغلاء بكل ديره .. طيب حتى الآمن والأمان بكل ديره وإلا ماكان شفت الدول الأوربيه في تقدم وأزدهار ... عندنا أمان ولكن وين الآمــن ؟؟ إذا كل شي من حولك صار فساد ونصب ونهب .. وليته من المواطن الفقير .. إلا من اصحاب المناصب الأغنياء ..

وين الأمـن اللي يضبطهم ؟؟

وبالنسبه عن مقارنة المملكه بدول الخليج فأنا اقلك أخطأت ..

يااخي الأمارات وقطر والكويت عندهم فقر بس مو مثلنا .. وعندهم حكومه ملتفته للمواطن وهو في قمة اهتماماتهم لأن الوطن بلا شعب مثل البيت المهجور .. وعشان الشعب يعطي وطنه بكل اخلاص وامانه فلابد ان الوطن يعطيه ويوفر له الامن والامان وتعطى حقوقه كامله ..

والسعوديه ثلاث ارباعها صحاري .. لايغرك كبر المساحه .. وهي قارده على ان تجعل المواطن افضل من دول الخليج والدول الاوربيه ...

وشوف المليارات اللي تطلع برى ... فلنفترض انها توزعت على المواطنين مابين زيادة في الرواتب ومابين مصروفات للخدمات الاجتماعيه والضمان .. تتوقع بتلاقي فقير ؟

لو صرفت بأمانه وتحت مراقبة الحكومه ..

دخل المملكه أكثر من دخل دول الخليج .. بدليل ان المشاريع عندنا باسعار فلكيه المصروف عليها يساوي المصروف على 4 مشاريع في اي دوله أخرى .. فهذا يعني ان الدوله في استطاعتها ان تصرف على المواطن بالضعف مايصرف له الان مثلما تصرف على المشاريع

فالمسأله نسبه وتناااسب ...وهو مايتناسب مع عدد المواطنين ..

ولكن للأسف فيه من يقمع ويكتم صوت المواطن حتى لايوصل لأبو متعب والا شفت الحال غير الحال ..

اهلن اخي الكريم احترم وجهه نظرك .

ليس هنالك مايدعوا لتكتم والغنوع بل هو احقاق للحق لااكثر .

غير صحيح ان الامن والامان بكل ديره مثل ماتفضلت بل حتى الدول الناميه لايوجد فيها

مثل مايحصل في بلادنا من امن وايمان والحمدلله .

مساله النصب والنهب من موظف او مسئول هذي تحدث بكل مكان ومادام المسئول او الموظف

خالف الامانه ونقض العهد فحسابه على الله .

وتبقى عينات ولانعمم على كل مسئول او موظف فهنالك الشرفاء من يخدم دينه ووطنه بكل

امانه واخلاص .

مقارنه دول الخليج بالسعوديه مقارنه ظالمه فكيف بدوله تضم مناطق كل منطقه عن دوله من

دول الخليج ولن ابالغ في هذا .

فخذ دوله قطر من اغنى دول المنطقه وعدد سكانها لايتجاوز عدد سكان المنطقه الشرقيه

بل اقل بكثر الاتعلم ان ايجار الشقه فيها بحوالي مايعادل 50الف ريال سعودي

بينما في الرياض ايجار شقه في حي مرموق لايتجاوز 25000الف ريال

وغير ذلك غلاء المواد والمعيشه لديهم حتى انهم ياتون للمنطقه الشرقيه بغرض شراء المواد

الاساسيه لفرق السعر الكبير وتزويد سيارتهم بالوقود الارخص ثمناً في المنطقه

ثم ان بعض دول الخليج لديهم دخل من السياحه يقدر بمليارات الدولارات من غير دخل البترول

نحن ياخي الفاضل لدينا مشاريع وبنى تحتيه تضخ لها المليارات سنوياً وكلها لراحه ورفاهيه

المواطن ولك ان تتخيل مناطق وقرى شاسعه تحتاج الى ايصال الخدمات من ماء وكهرباء

ومدارس ومستشفيات وغيرها .

اما بخصوص المليارت التي تتكلم عنها وصرفها لدول اخرى فاعلم ان كل هذا من صالح البلد

وللمحافظه على امنه واستقراره وذلك بكسب شعوب العالم العربي والاسلامي ونظرتهم

للسعوديه والعمق الاستراتيجي للمنطقه .

ياخي مايصرف بسخاء على اعمار مكه والمدينه يفوق ميزانيات بعض الدول العربيه

وذلك لتسهيل وراحه حجاج وزوار بيت الله الحرام ومسجد رسوله صلى الله عليه وسلم

وبعد ذلك التقصير لابد منه من جهه او خرى فالكمال لله وحده .

اما مساله التضخم وغلاء المعيشه فهي قضيه عالميه وتعاني منها حتى الدول المنتجه

فمابالك بدول مستهلكه .

نحن اعتمادنا بعد الله على النفط ولو نضب او تغير احتياج العالم له وصنع البديل لرجعنا

60 سنه للورى وكلكم يعلم ذلك جيداً وماعانه اجدادنا من فقر وجوع لايعلم فيه الا الله

نحن فيه نعم لاتحتاج سوى قول الحمدلله وبالشكر تدوم وتدوم النعم .

يجب الحذر من اعدانا اللذين يتربصون بنا ويحاولون اخراج بلدنا بصوره عكسيه وانه يملك

التريليونات ولاينفق على الشعب وانه يحاول اسكاته او الجامه فهذا غير صحيح

بل انهم يودون خراب هذا البلد بل هي امنيه يتمنونها ولكن ندعوا الله ان لايمكنهم من اقولهم

ويرد كيدهم في نحورهم .

وتحيا بلدنا باستقرار وامن وامان والخير ياتي باذن الله كما تعودنا من مكرمات ملكنا الغالي .

لايحسب البعض انني ادافع عن مسئول او وزير او انني من احد ابناء التجار واصحاب الملايين

بل هو حب لوطني وحقيقه تكلمت عنها قد يجهلها او يتجاهلها البعض .