اللي يبط الكبد ان نظامهم عجيب يقفل الشعب عليك وانتي في قمة الوهقه وتعالي دبري عمرك والحل اللي يكذبون عليك فيه التسجيل اليدوي ي انك تنذلين ذل واحيان الدكتوره نفسها خايسه ورافعه خشمها وتسمع الجميع كلام وتمن عليك انها دخلتك معها وبالاخير الى اخر اسبوع ما سجلوا البنات ورب البيت ان وحده من خوياتي لما جن جنونها وهي تراجعهم قالو لها مؤ أكيد تدخلي الاختبار تبي تسوي إسقاط براحتك طيب ؟ والمرمطه كل يوم طيب واختباراتها ومذاكرتها مالهم دخل ب اي شي ودائما انتي الغلطانه عاد نحاسة البنات موضوعها ثاني ي بنت الحلال حبي لغيرك ماتحبي لنفسك وتعاملي بأدب خاصه بطوابير الانتظار ع كثر ماانتي مرتفع ضغطك تجيك وحده حسبالها الجامعة جامعة أبوها استغفر الله من تعامل هالبشر وفي موضوع ثاني باط كبدي بعد اللحين لو تدبستي بدكتوره نذله او مخها ضارب تقعدي تدوري رحمة ربك متى تنزل عليك لان حسبالها انها ملكت العالم بشهادتها تتحداك دائماً انك تحلي اختباراتها وتحسي ب انتقام عجيب بوضع الاسئله واختيارها واحيان من كثر الإحباط احس ان ببداية الورقه مكتوب أتحداك تحلي والله ان إحنا نتعب ونجتهد لكن نادر ماتشوفي هالشي وقليل من البنات اللي مؤ متأذين ماقول الا يارب صبرك*