ملتقى طلاب وطالبات جامعة الملك فيصل,جامعة الدمام - عرض مشاركة واحدة - خبطت في مخي اني اسجل عندكم..بس المشكله عويصه شوي

حوريه البندر · 2012- 8- 1

اقتباس:

المشاركة الأصلية كتبت بواسطة haitham s

السلام عليكم و رحمه الله و بركاته

مساكم الله بالخير و يصبحكم برضه

و عز الله مقامكم

.
.
.
.
.
المهم انا ما ابي اقرقر عليكم واجد لاني اعرف نفسي اذا طولت في السالفه اجيب العيد

انا يا شباب طالب في جامعه اليمامه في الرياض و لي سنه الحين

بس ما تخصصت..لاني لازم

اخلص لغه وكذا و قريب ان شاء الله باخذ التوفل,,طيب و المطلوب ؟

المطلوب يا طويلين العمر و السلامه

انا انسان ما قدرت اتحمل الرياض

..ي حيااااااتي

و لا بأقدر اكمل في الجامعه لاني خلاص ادور النححححححححححشه

قلت يا ولد خذ قشك بس وارجع عند اهلك ب الشرقيه احسن لك

وخلك شغال مع الشايب وانثبر

فا خلال هذه الفتره و انا في مداولات و مفاوضات " مع نفسي "

جاني رجال شغال في احد المستشفيات العسكريه هنا في الرياض

وقالي ليش نويت تترك الجامعه وكذا..قلت له الوضع ما ناسبني في

الرياض و ماعندي حل الا اني ارجع للشرقيه عند

اهلي و امسك شغل الوالد

المهم مالكم في الطويله..قالي الرجال عن كليه الامير سلطان في

الظهران انها حلوه و وظيفتها مضمونه

و الراتب حلو جدا و انها و انها و انها

و انا صراحه خشت الفكره في موخي

بس فيه عندي كم مشكله

اولا: انا متخرج من الثانويه العامه بنسبه 71% علمي

ثانيا: متخرج من 7 سنوات دفعه 2005/2006...25/26

<=== الحس كوعك ي حبيبي عشان تنقبل

ثالثا: عمري 25 سنه<=== وتبي تنقبل بعد

.
.
.
.
.

وش رايكم فيني ؟

احس انكم بتقولون امسك الباب وارجع من حيث اتيت ايها الامعه

افااااا.. امعه مره وحده

لالا خلونا في الجد

الاغلبيه بتقول اني متخرج من سبع سنوات و للحين في السنه الاولى من الجامعه !!

انا قعدت 6 سنوات شغال مع الوالد في مؤسسته و بعدين مسكت معي اني اكمل دراستي

تحسون اني ماشي عكس..صح ؟

المهم اني شرحت لكم السالفه كلها وابي اعرف منكم هل فيه امل اني انقبل ب الكليه؟

حتى لو بواسطه ؟ لانه في ناس واجد برتب عاليه يقربون لنا في القاعده الجويه فا ابي اعرف هل

ذولي لهم كرت ولا اي كلام

و اعذروني على طريقه كلامي و اذا فيه شطحات وكذا بس اول مره اكتب موضوع في منتدى

و تحياتي لكم

وانا بعد تكفى توسط لي واكون شاكره لك