السلام عليكم
عندي حلم غريب شوي
حلمت من يوم تقريبا اني اسوق سيارة مكشوفة بس ماأدري وش لونها وكأني امشي فيها
بالسوق
واستغفر الله كأني مواعده واحد وكأني دايما معاه على مكالمات في النت والتلفون بس مادري من
وين تعرفت عليه وطلب ان نتقابل انا وافقت بس بشرط انا اكون بسيارتي وهو بسيارته وبعدين
وصلت السوق وقعدت امشي بالسيارة وشافني وعرفني وكنت مو لابسة لاعباية ولا غطوة ومر من
جنبي وهرن لي بعدين انا عرفته ويوم شفته انصدمت من شكله اسمر وشكله كبير ومتزوج وبو
عيال وظني كان في مكانه لأني اكتشفت هالشئ في نهاية الحلم وانتقل الحلم الى كأني في
بيتنا وبيتنا شكله متغير وكأنه ابوي جااي يضربني ويدورني في كل مكان لأن عرف بعلاقتي مع هذا
الشخص بس من مين عرف مادري وكنت في بيتنا انتقل من غرفة لغرفة عشان مايشوفني بعدين
في الاخير دخلت غرفة
امي وكانت امي بحالها في غرفتها ولما دخلت عليها ماانتبهت لان كان ظلام في الغرفة بعدين
دخلت تحت السرير عشان ماتشوفني وتغطيت باللحاف وكنت اسمعها تقول تكلم نفسها الله
يهداك يابنتي وش سويتي فينا وش وداك لهالطريق بمعنى هالكلام وانتهى الحلم وعلى فكرة
اكتشفت في نهاية الحلم ان هذا الرجل اللي كنت اكلمه زوج جارتنا وبس