سامح رويلي والطلب بالملايين = وحنا نوصل للقبايل سلامه يقصد كل القبايل في القصيده
هذا الندى للمسلمين الوفيين = اهل الكرم والدين واهل الشهامه
سلام من حربي وينصى الكريمين = اللي لهم في عالي المجد هامه
هذا ندا عاجل وتكفون هالحين = مابه عذر دامه وصلنا كلامه
سامح رويلي والطلب بالملايين = وحنا نوصل للقبايل سلامه
ورعا صغير وغره الموقف الشين = ماقد عرف حلال شرع وحرامه
امه تقول النوم مايقرب العين = والراس شايب بين حسر وندامه
هذا ولدنا صار ضمن المساجين = محكوم بالاعدام قرب عدامه
وابوه يعرض كليته كل يومين = لا احدا يلومه ماتجيه الملامه
انتم بعيد الفطر ياحرب عيدين = وانا صبي العين فارق منامه
ياحرب ياعتيبه رجال الميادين = يامطير ياسبيع االفخر والكرامه
ياعيال وايل يالرجال السلاطين = ياشمر اهل الطيب واهل الزعامه
تكفون لاهنتم جميع القحاطين = تكفون ياجهينه ترا الوقت ضامه
تكفون يايام الرجال العزيزين = السيف قرب لايلامس عظامه
تكفون ثم تكفون فزعة هل الدين = ياللي تبون من العذاب السلامه
اللي يدور للاجر ربه يعين = يبشر بعفو الله يوم القايمه
........
بدر العريمه الحربي