ملتقى طلاب وطالبات جامعة الملك فيصل,جامعة الدمام - عرض مشاركة واحدة - ♥♥ ◄███▓▒░لًمسَتهّ آيقظٽ ٽڷڪّ , آڷإميـَـَـَـَـَـَـَـَژھ |●● ..░▒▓███►♥♥ مُدَوَنَتّيِ ♥ ‏!

آضغاث آحلام · 2012- 8- 3

زوزيت مدامك فتحت سالفة القرقيعان وخلافه خل اقولك احد المواقف الي صارت لي بالقرقيعان

كان عمري 5 سنوات ونصف باقي ترم واروح المدرسة .. وكنت معجبه بـ صديق اخوي ههههههههههههه عمره17 سنة او 18

طيب وباين علي حتى انو الفستان الي خذته لي امي قلت ماابيه وهذ اول مره اعترض .. بعدين قلت لها ابي فستاني

الفووشي حق زواج عمي وطقتني طق هذاك اليوم وسمعت الكلام ولبست ملابس القرقيعان .. الموهم خذت الكيس حقي وطلعت مع صديقتي ونقرقع هذا صديق اخوي هم صديق اخوها واخوي .. اول ماطلعت

قال لها كل عام وانتي بخير واعطها خمس ريال بهذاك الوقت بالنسبة لطفلة شيء حلووو .. وانا ولا قالي ولا كلمة

كنت اقرقع وانا ابكي .. كل الناس فرحانه برمضان والقرقيعان الا انا مضايقة وماابي شيء .. الموهم هذا النفر كان حباب يعني يمزح ويلعب مو مثل اخوي يضرب وهيك .. ولهذا كنت احسه بريئ يعني رجال طفولي مثلنا ..

الموهم فقلت حق صديقتي دودو ابي نروح لهذيك المنطقة قالت لي لا ابعيده وسيارات استجمعت قوتي لمن شربت مويا من السبيل وقلت لها بتجين ولا اروح بروحي يالله قالت خلاص برووح معاج

الموهم وجات معي تخيلي طلعنا من الساعه 8 الى الساعه 12 بالليل !!!! هي عليها مدرسة بحكم انها باول ابتدائي ..

وعايشين الحياة خذنا الفلوس الي من القرقيعان وشرينا فيهم ايسكريم وجلسنا نتمشى وهيك ..

ماكانا نعرف للوقت ولاندري بان الوقت تاخر لسى اطفال يعني وحده باول ابتدائي وانا لسى مادخلت المدرسة ..
الموهم فاجئتنا سيارة الدورية قال وين بيتكم قلت لها هذاك وهو اصلا مو بيتنا قال يالله على بيتك انتي وياها

قفلت المحلات والدنيا ظلاااااااااااااام حسيت بشيء يخنقني حيل وين بيتنا لو بجيت هي بتبجي بحكم انها ذيلي
يعني ربع وخوووات .. وصديقة طفولتي والباب بالباب مثل مايقولون ..

قلت لها الحين بنرد للبيت .. ودخلنا بمنطقة ابعد وابعد يعني ممكن تاخذ له نصف ساعه ..

وماندري بلي يصير في بيوتنا .. اهلنا قلبوو الدنيا مستشفيات و كل مكان امي وامها بس يبكووون .. لان بالقرقيعان بعض الاحيان تصير اشياء يعني الله لايقدر فيها ..

الموهم على الساعه 1 لقووونا ومن لقانا اخوي واصديقه واخوها .. طبعا اخوي يسووق واخوها بجنبه واحنا جالسين مع النفره هذاك ..

اخوي الكبير : امي بتقتلك لمن نرجع
انا اتظاهر عدم الخوف : مو خايفة منك
الاخ الحبيب الي بجنبي : انتي ليه كيذا خلاص انا ما احبك
ولله اني فقعت بكااااء

بس لانها قال هالكلمة .. اخوي تفاجاء صراحه بس ماسكت الا لمن خذيت منه خمس ريال ههههههههههه .. ورجعنا للبيت وجلست امي تتصفح فيني وبس تاكدت من سلامتي طقتني طق

سنة بساااعه .. بس ماكان هامني .. ومنها كان عندي هاليوم من اجمل الايام ...

باليوم الثاني رحت حق دودو صديقتي اطمئن ماكسروا لها ضلع او شيء وتطمنت انو بس كسروا عليها الخيرزانه
مثلي ههههههههههههه وقررنا نجمع العشرتين ونشتري لنا فيهم ايسكريم ونحره صديقنا او بالاحرى صديق اخونا
لمن يجي بالليل لان كانت جمعة شباب اخوي واخوها والشباب بمقلط الفريج ..

تدرين مره من المرات وانا كبيرة اسال اخوي عنه قال تزوج وعنده عيال .. هههههههههه وقال بس لسى يسال عنك
:58545: ههههههههههههههه مسكين يسأل عن الخرعات الي حصلها ولا بالونات المويا الي نطقها عليه

وبث

2012- 8- 3	#245
آضغاث آحلام أكـاديـمـي ألـمـاسـي الملف الشخصي: رقم العضوية : 81501 تاريخ التسجيل: Thu Jul 2011 العمر: 32 المشاركات: 974 الـجنــس : أنـثـى عدد الـنقـاط : 1095 مؤشر المستوى: 69 بيانات الطالب: الكلية: كلية العلوم بالأحساء الدراسة: انتظام التخصص: الفيزياء المستوى: المستوى الثالث	رد: ♥♥ ◄███▓▒░لًمسَتهّ آيقظٽ ٽڷڪّ , آڷإميـَـَـَـَـَـَـَـَژھ \|●● ..░▒▓███►♥♥ مُدَوَنَتّيِ ♥ ‏! زوزيت مدامك فتحت سالفة القرقيعان وخلافه خل اقولك احد المواقف الي صارت لي بالقرقيعان كان عمري 5 سنوات ونصف باقي ترم واروح المدرسة .. وكنت معجبه بـ صديق اخوي ههههههههههههه عمره17 سنة او 18 طيب وباين علي حتى انو الفستان الي خذته لي امي قلت ماابيه وهذ اول مره اعترض .. بعدين قلت لها ابي فستاني الفووشي حق زواج عمي وطقتني طق هذاك اليوم وسمعت الكلام ولبست ملابس القرقيعان .. الموهم خذت الكيس حقي وطلعت مع صديقتي ونقرقع هذا صديق اخوي هم صديق اخوها واخوي .. اول ماطلعت قال لها كل عام وانتي بخير واعطها خمس ريال بهذاك الوقت بالنسبة لطفلة شيء حلووو .. وانا ولا قالي ولا كلمة كنت اقرقع وانا ابكي .. كل الناس فرحانه برمضان والقرقيعان الا انا مضايقة وماابي شيء .. الموهم هذا النفر كان حباب يعني يمزح ويلعب مو مثل اخوي يضرب وهيك .. ولهذا كنت احسه بريئ يعني رجال طفولي مثلنا .. الموهم فقلت حق صديقتي دودو ابي نروح لهذيك المنطقة قالت لي لا ابعيده وسيارات استجمعت قوتي لمن شربت مويا من السبيل وقلت لها بتجين ولا اروح بروحي يالله قالت خلاص برووح معاج الموهم وجات معي تخيلي طلعنا من الساعه 8 الى الساعه 12 بالليل !!!! هي عليها مدرسة بحكم انها باول ابتدائي .. وعايشين الحياة خذنا الفلوس الي من القرقيعان وشرينا فيهم ايسكريم وجلسنا نتمشى وهيك .. ماكانا نعرف للوقت ولاندري بان الوقت تاخر لسى اطفال يعني وحده باول ابتدائي وانا لسى مادخلت المدرسة .. الموهم فاجئتنا سيارة الدورية قال وين بيتكم قلت لها هذاك وهو اصلا مو بيتنا قال يالله على بيتك انتي وياها قفلت المحلات والدنيا ظلاااااااااااااام حسيت بشيء يخنقني حيل وين بيتنا لو بجيت هي بتبجي بحكم انها ذيلي يعني ربع وخوووات .. وصديقة طفولتي والباب بالباب مثل مايقولون .. قلت لها الحين بنرد للبيت .. ودخلنا بمنطقة ابعد وابعد يعني ممكن تاخذ له نصف ساعه .. وماندري بلي يصير في بيوتنا .. اهلنا قلبوو الدنيا مستشفيات و كل مكان امي وامها بس يبكووون .. لان بالقرقيعان بعض الاحيان تصير اشياء يعني الله لايقدر فيها .. الموهم على الساعه 1 لقووونا ومن لقانا اخوي واصديقه واخوها .. طبعا اخوي يسووق واخوها بجنبه واحنا جالسين مع النفره هذاك .. اخوي الكبير : امي بتقتلك لمن نرجع انا اتظاهر عدم الخوف : مو خايفة منك الاخ الحبيب الي بجنبي : انتي ليه كيذا خلاص انا ما احبك ولله اني فقعت بكااااء بس لانها قال هالكلمة .. اخوي تفاجاء صراحه بس ماسكت الا لمن خذيت منه خمس ريال ههههههههههه .. ورجعنا للبيت وجلست امي تتصفح فيني وبس تاكدت من سلامتي طقتني طق سنة بساااعه .. بس ماكان هامني .. ومنها كان عندي هاليوم من اجمل الايام ... باليوم الثاني رحت حق دودو صديقتي اطمئن ماكسروا لها ضلع او شيء وتطمنت انو بس كسروا عليها الخيرزانه مثلي ههههههههههههه وقررنا نجمع العشرتين ونشتري لنا فيهم ايسكريم ونحره صديقنا او بالاحرى صديق اخونا لمن يجي بالليل لان كانت جمعة شباب اخوي واخوها والشباب بمقلط الفريج .. تدرين مره من المرات وانا كبيرة اسال اخوي عنه قال تزوج وعنده عيال .. هههههههههه وقال بس لسى يسال عنك :58545: ههههههههههههههه مسكين يسأل عن الخرعات الي حصلها ولا بالونات المويا الي نطقها عليه وبث