المشاركة الأصلية كتبت بواسطة Tech-Labs متاابعتكم اني صارت عندي خلفية كبييرة عن الكلية الحمد لله وجو الجامعة وكذا كنت شايله هم كيف اشوف صاحبات وكذا بس البنات ماقصروا وصار شي مو مهم وبسيط بس من الحين شايله هم الجدول احس حووسه و وجع رااس مادة خلصوا المقاعد فيها وتأجيل ترم عشان المواد والمواد ماتطلع ومادري ويش الله يعين ليش مو نفس المدارس الجدول جاهز طول السنة <

اختيار الصديقات بسيط اي وحدة تقعد جنبك في المدرج تعرفي عليها وبعدين شوفي تصرفاتها
اذا كانت زينة استمري معاها واذا كانت موزينة اتركيها حتى لو بالتدريج

ومن ناحية الأهمية مهم يكون عندك صديقات مخلصات حتى لو ما اكتشفتيهم بدري
تكتشفينهم بعدين لاتخافين البنات كثيرين ماشاء الله في الكلية

وبالنسبة للجداول خلي التفكير فيها الحين وشدي حيلك ولاتحملين مواد وبتمشين عدل على الخطة ولابتلاقين اي حوسة في الجداول

وبالعكس تقدرين تختارين الشعبة اللي تناسبك والدكتورة اللي تبينها اذا فيه اكثر من دكتورة للمادة عكس هالترم انتي وحظك مع الشعب

والمشاكل اللي صارت في التسجيل كل شعبة لها عدد معين بس اذا كلموهم البنات بيوسعونها يعني مابتروح عليهم المادة او يختارون شعبة ثانية

وماتطلع كل المواد اذا ماني غلطانة للي معدلاتهم نازلة كثير اقل من 2 تطمني المواد كلها تطلع وزيادة عليها بعد

ومافيه تأجيل ترم عشان مواد من وين سامعة هالكلام !!!!

اذا شايفة موضوع هنا عن التأجيل فالبنت مخلصة مواد الترم الأول كامل بتتخرج وماباقي لها الا مواد في الترم الثاني
المفروض ماتقعد كذا تستنى لازم تسوي تأجيل للترم الأول عشان البرنامج مايعتبرها منقطعة بس

إذا شفتي اي شي عن هالمواضيع لاتشغلين نفسك فيه لين الحين ماجربتيه والبعض يكبر السالفة وهي صغيرة وأي مشكلة ولها حل