الناس تعفي عن رقاب المخاليق
وانأ اعتذر ياغلى البشر عن خطأيه
حملتني بمسامحك فوق ماطيق
واعبث معاك بغلطه من البداية
حفظت سري في قفول الصناديق
تبي رضاي وكنت بخلاصك أيه
لوكان لأحلام البشر أي تحقيق
حققت رغباتي وهذا بلايه
انته كتمت الجرح والهم والضيق
وانا مثل ماكنت غاوي وتايه
مثل الجبل ماحركوك المطافيق
ولاغيروك اهل الحسد والوشايه
واسكنتني بين الظلوع المغاليق
وكلك امل في ضحكة ايام جايه
فيك الشرف يامن حكم قلبي يليق
ولك الصفاء والود مقصد وغايه
ليتك بعينك في حشاء خالد تويق
وتعرّف وشهو منزلك ياهنايه
الدمع سال وغرق الخد تغريق
والهجر سطر في خفوقي حكايه
ياعشقي الي فاق عشق العشاشيق
يادمعتي ياضحكتي يا صفايه
والله مهي هرجة لسان وتبا ريق
انك على قلبي خذيت الوصاية
خذها عهد مني وحلف ومواثيق
خطاي هذا للخطايا نهايه
الناس تعفي عن رقاب المخاليق
وأرجوك بالله ماتضيع رجايه
الذكرى....