عسى الله يوفقنا وياكم لطاعته ورضاه
بالنسبة لي اقول لك نصيحة لوجه الله لا تضغط نفسك بالمواد الدسمة
تتعب في المذاكرة وكذلك تنزل المعدل بشكل عام
المستوى الثاني نزلت 6 مواد =18 ساعة وهي:
الرياضيات2:المنهج طويل شوي مقاارنة بالمستوى الاول لكن ماهو صعب
مشكلتها ان الدكتور الله يهديه جاب اسئلة مختلفة اختلاف كلي عن اسئلة الاعوام السابقة ونكبنا نكبة محترمة لكن الله سهل وعدينا ولله الحمد
محاسبة2:ماهي بعيدة من محاسبة 1 يبي لها متابعة من البداية واذا حسيت انك ماتدري وش الطبخة . خذ لك مدرس متخصص وترتاااااااااااح اسال مجرب
الاقتصاد الكلي: عسل ياعسل المنهج سهل مقارنة بالاقتصاد الجزئي والدكتور كذلك بللغرسه الله يوفقه من هنا الى باب مكة
على كيف كيفك
تقنية الملعومات1: من اسمها تتكلم عن الكمبيوتر وانظمته ومكوناته بالتفصيل الممل
معلوماتها وااااااجد تبي لها مذاكرة قبل الاختبار بمدة لكن ما فيها صعوبة
نظم المعلومات الادارية: اذا تبغا رايي خلها منك لانها قريبة من تقنية المعلومات ومعلوماتها كثيرة ومملة
السلوك التنظيمي:هذي المادة اللي جابت لي المرض مع انها اول مادة اختبرتها
ليش؟ لاني تساهلت فيها وما ذاكرتها الا قبل الاختبار بيومين وتفاجات بكثافة المعلومات وتقارب المواضيع من بعضها البعض
اذا تبغا النصيحة السلوك + نظم المعلومات الادارية خلها عنك وخذ لك بدلها مادتين اسهل تنفعك في المعدل وتكون سهلة في المذاكرة
مثل الصحة واللياقة - العقيدة-مهارات البحث والتفكير
وختاما هذا رايي الشخصي يحتمل الصواب والخطا
اتمنى اني قدمت شي يفيدك
تحياتي لكم جميعا