عسى الله يتقبل صيامكم وقيامكم يــارب ويعينكم على قيام وصيام ماتبقى من شهر الرحمــان







ومسائكم معطر بذكر الله







بصراحه انا هاليومين حالي حال اي شخص سجل وينتظر نتائج القبول فقلت بنفسي




الى ماتطلع النتائج رحت افرفر بالكتب واقرى سير لاشخاص كانو عاديين واكملو دراستهم وصارو



لهم شان في بلدانهم والعالم اجمع


طبعا وان جالسه افكر في مستقبلي في هذا الجامعه وخصوصا انها انتساب مطور وليست


كالانتظام مع اني ماني عارفه وش الفرق الذكي ذكي لو هو انتساب او انتظام



اليكم هذا القصه الحقيقه لبنت بالسعوديه وانا اعرفها وهي بعد ماسمعت قصتها تحمست للدراسه عن بعد :



هذا البنت ياطويلين العمر , تزوجت وهي بالمتوسط , وحملت وجابت عيال , وبعدين كملت دراستها



الثانوية منازل , وكملت الجامعه , انتساب بعد مش متطور عن طريق النت انتساب يعني

لازم تروح بنفسها تشيك على الجامعه والدروس بنفسها , ومن كم سنه تعينت


مدرسه براتب وقدره وعسى الله يتمم عليها يارب





انا قلت قصتها لكم ماابيكم تحبطون من اللي يقول انتساب شلون ابي امشي او مستقلبي


الوظيفي ضعيف , بالعكس بالاجتهاد والطموح يقدر كل شخص انه يحقق حلمه لاتسمعون كلام


المحبطين مهما كان , وترى الناس تفرق ظروفها عن بعض


لاحد يجي ويقول انا محصلت وظيفه وانا متخرج بالقسم الفلاني وغيري توظف بسرعه


هي اولا : ارزاق من الله

ثانيا : اجتهاد بعض الاشخاص بمتابعه كل مايتعلق في مجال الوظائف مستقبلا يعين مايجلس

ويقول ( فلان ماتوظف بشهادة نفس شهادتي تبوني انا اتوظف بنفس شهادة )


يعني انا مستغربه من كمية الاحباط اللي ممكن تصيب الشخص في حاله غيريه ماتوفق


( اصابع يدك ماهي سوى )


فيه وحده قالت لي : لاتتعبين بالدراسه وتاليتها تجلسين بالبيت

قلت لها : انا جلست في البيت كم سنه وش صار ماتغير شيء حولي خليني اجرب نصبيي

قالت : بس تعب على الفاضي

قلت : بعد اربع سنوات كلميني خليني اجرب حظي اول


فعلا الانسان اذا ظل مكانه ماتحرك العالم كله ماراح يتحرك حوله لكن لو تحرك وغير من نفسه راح يشوف الكل تغير من حوله .


وبسسسسسسسسس



والله يوفق الجميع يارب ويحققون طموحهم وامالهم بس حطوا في بالكم انكم تطوورن هالبلد

الى الافضل خلو تعبكم وجهدكم مايكون ( اناني ) بس لانفسكم لا فكرو باوطانكم ومجتمعكم

وانفسكم



الله يوفق الجميع يـــآرب