شخص ٍ تعنّـى لي مع انه مسافر
وشخص ٍ قريـب وانا ميت طعني !
وشخص ٍ يمثل دمعتـه ما هو قادر ..
وشخص ٍ تطيح دموعـه كل ما ذكرني
ومنهو من اهلـي في العزا كان حاضر
ومنهو دعالي فــي صلاته ورحمني
ومنهو عشاني طـول الأيام ساهر
ومنهو ثــلاث ايامـ راح وتركنــي
ومنهو يرتب غرفتي والدفاتــــر ..
وإن شاف صوره لي قام وحضني
يالله عسى ما تغفى كل المشاعر
ويالله عسى ما ينصـدم يومـ ظني
خايف يروح العمر واكون خاسـر
وان طار طيري مايفيد التمنــي
وخايف يجيني وقت اكسر خواطر
إن دارت الدنيا وزماني كسرنــي
وما دام هاذي الدنيا صارت مظاهر
وكل من على كيفه وجوه يغنــي
صحيح مسلمـ // لكن الهمـ كافـــر
كل ما بغيت أضحك يهدّني حزني
الضيق وافي والحزن حيل وافــر
والجرح أكثر شي شفته يحبنــي
عايش وميت بين ماضي وحاضـر
والصبر مفتاح الفرج ضاع منــــي
قل وش تبي وتتركني يا حزني آمر
مسكين فرحي...صدق إنه وحشني؟