قالوا لي شحالك .. وقلت [ الله يعين ]
الماضي ادركني ولا ادري ويش جاي
دارت على جروحي مشاويح السنين
وانا بموت من الضمآ .. واجحد ضماي
خطاي ماهو عيب .. يا من تستهين
ترى بداياتي الصحيحه من خطاي
اتعب على اللي .. واجاهد واستعين
وان ما انكتب قطيت ماضيي ورآي
وان ماتت احلامي .. مكبلت اليدين
جعل العوض في روس ربعي واصدقاي
محدن خسرني فالحياه .. الا ثنين
*محدن خسرني فالحياه .. الا ثنين
اللي جحد / واللي تكلم في قفاي
ومحد كسبني غير وجه" ما يشين
لا ولعت رمضا القهر فآيه .. ذراي
[ الله اكبر ] .. كل ما حظي يزين
عثرت في دربي ولا قدت عصاي
في عترة العشرين .. واخشى الاربعين
اخاف حلمي .. ما يتحقق في صباي
يالله ياللي لك .. خضع قلب وجبين
تعفو عن ذنوني .. وتغفر لي خطاي
ويا رب تشفع لي بحب الصالحين
ماني بـ منهم .. بس قدهو ذا مداي
ويا جعل وقفاتي معا ربعي .. تبين
ولا الردي .. يا جعل ما يكسب رضاي
لو تستحي الايام .. والحظ اللعين
ما كان ردت خاطري من مبتغاي
اضحك مع العالم وانا قلبي حزين
عشان ما يدري عذولي وش بلاي
ما يذبح العاشق سوى / شوق وحنين
وما يحيي الهالك سوى / قطرات ماي
وان مرو بطآري المحبه والخدين
جريت لي تنهيدة .. باقصى حشآي
هو عاد عقبه زين وجه وزين عين
اللي بعآده .. داي .. ووصاله دواي
جسمه جمع .. كل الدلع .. ويذوب لين
كنه يقول من الترف شوفو حلاي
يا كثر ما يزعل .. من حكى العاذلين
واقوله يا روح .. روحي .. هاك رآي
كثر المعاتب فالغلا .. ماهو بزين
لا تذبح ( اشواق المحبه ) يا هواي
ما كنت احسب ان الوصل .. ماله وزين
الا عقب حبه .. وشوقه في لقاي
لي منه .. الصدق وسلام" باليدين
وله مني .. عيوني والانفاس ووفاي
مشكلتي اني اعشقه .. وحكاه شين
لا شك ( طيبي فالغلا .. يغلب رداي )
لا احتلت في قربه .. ولا شفته بعين
من النقا .. ما قد وصله الا حكاي
قد مت قبل آموت .. من فرقا ضنين
حتى حلفت اني ما اعاتب في غلاي
قلبي من الفرقا / على قلبه زبين
وشوقي من اللهفه على شوفه مناي
ويلي على اخشه .. واشوفه كل حين
او ليت ما يشوفه من العالم سواي
للشآعر حمد البريدي ..