|
رد: الي سآكنه بالدمآم وبتدرس بالأحسااء =) تتفضل هوؤون !
طبعاً مواعيد رحلات القطار تتغير من فترة لفترة
انا عن نفسي احجز حق اسبوع كامل قدام
يعني مثلا اخر يوم دوام عندي الثلوث لأن الاربعاء مخليته اوف
فلما اكون بالمحطة احجز حق الاسبوع اللي وراه
غالباً اوقات الرحلات تتناسب مع اوقات المحاضرات
بالنسبة للباصات اللي تستلمك من هناك
طبعاً جامعة فيصل لها 3 مقرات
كلية الاداب لحالها
وكلية العلوم لحالها
ومبنى الجامعة لحاله وداخله باقي الكليات
امممممم فيه بالمحطة باص حكومي للعلوم وباص حكومي للجامعة
بس الاداب فيه باصات خاصة بفلوس ، احنا طالبنا بحكومي
ان شاءالله يجيبونه ما يسحبون علينا
وبالنسبة لسواق باصي عنده كشف عن اوقات خروج الطالبات اللي معي
ياخذه يوميا ، يعطينا دفتر اول ما نركب نكتب فيه متى الخروج وهيك
ويكون موجود لما نطلع ،
اما بالنسبة للقطار عبارة عن 3 درجات طبعاً
الطالبات يروحون بالدرجة الثالثة ( القافلة ) لأنها ارخص شيء ويسوون خصم للطلاب
تصير التذكرة باليوم ذهاب وعودة 20 ريال
وطبعا كثير طالبات ، والطلاب بمركبة لحالهم
وفيه كافتيريا بالقطار ومطعم بالمحطة وكافتيريا بالكليات
مدة الرحلة ساعتين الا ربع تقريباً
فيه بنات يقضونها نوم وبنات يقضونها سوالف ومذاكرة
كل وحدة وجوها ، الوضع بالنسبة لي مريح الحمدلله
بالتوفيق
|