|
أكـاديـمـي فـضـي
|
رد: هنآ الآستفسآر عن دكآتره قسم الدرآسآت ~
من خبرة 3 سنوات بهالجامعة و الحين داشه بالرابعه بإذن الله  ..
جبت لكم ردود لي سابقة بشأن بعض الدكاترة اللي درست معاهم , وبعضهم من تجارب صديقاتي , و أخذت من التجارب صديقاتي المجتهدات , لان صعب نحكم على دكتور/ة بناءً على كلام طالبة ماتحضر محاضرات و ما تذاكر , احجاف بحق الدكتور /ة يعتبر هالشي ..
اقتباس:
المشاركة الأصلية كتبت بواسطة تسذآ
الدكتورة نوال المطيري
قمةة ربي يسعدها
دكاترة القسم الي أذكرهم :
د/ مريم المغربي : لله درها , شرح , تعامل , سهولة في المادة , المحاضرتين الأولى ماراح تحبونها لانها شديدة لكن بعدين راح تحمدين الله دخلتي عندها , نظامها واجبين و تقراهم وتعطي كل بنت حقها , ماتحب الحكي الدش واللق لق الواجد ابداً , تقول لنا في آختبار الأسانيد أنها احتمال كبير تمسك مادة علوم الحديث , محظوظين أذا مسكتها لان المادة شوي يبي لها , و الدكتورة مريم راح تتركها سهله لكم بإذن الله  ..
د/ وداد الخان : ذي وش أقول عنها  , حبيتي هالدكتورة , أم للطالبات , محترمة حبوبه , نصيحة الدكتورة وداد لا أحد يطوفها , أسئلتها واضحه جداً , تكب الدرجات كب , شرحها يعجبني مع أنها تسولف كثير و سوالفها حلوه  ..
د / مصلح النجار حبيبي هالدكتور , أجمل دكتور مر علي , اكتبوا معه في المحاضرة و اللي كتبوته راح يجيكم نصاً في ورقة الأختبار , أسلوبه جميل جداً , يتعامل معنا كأننا بناته , الله يسعده وين ماكان , يارب يدرسني من ثاني 
د / جمال نور الدين : يالبى قلبهه , مثل مثل الدكتور مصلح النجار , نفس مواصفات الدكتورين في بعضهم , يكتب واكتبوا معه اللي يكتبه يجيبه و اسئلته سهلهه جداً ..
د/ المبروك الشيباني : مثل الثنائي اللي فوق , لبى قلبهه , أقسم بالله أسلوب و شرح , شوفوا مواصفاتهم مثلهم , يكتب معنا واللي يكتب يجيبهه , اسئلته سهههله ..
د/ عمر مكحل : أسلوبة و شرحه حلو , اسئلته حلوه , لكن اسئلته في النهائي تكون صعبه , و يحب يجيب تطبيق عملي , لكن يدف في النجاح ..
د/ محمود مبارك : ي لبى هو , يهبل ورب البيت , اسئلته أسلوبه تعامله معنا , طريقته في الدرجات رهيببةة , الله يوفقهه بس ..
د / أحمد دسوقي : يهبل يهبل , بس الورقة خلها له مليانة وراح تجيبن فل ماركك يحب الهذره حتى لو السؤال أجابته سطر يحب تسولفين له بالورقة , بحوثه سهلهه جداً , الله يوفقهه وين ماراح ..
د/ كمال يوسف : يالبى , جميل جميل جميل , مايشرح ويقرأ لكن اسئلة سهلهه حححيل , ويعطي درجات , ياليت يجينا سنة رابع ..
د / منيرة الدوسري : رهيبه , تشرح بذمه , تعتمد موادها على العروض التقديمة , محاضرتها دائما قصيرة و مش ممله ابداً , واجباتها ححلوه , اختباراتها سهله جداً , لكن توزيع الدرجات يعور القلب , ماتزيدك لو درجة للنجاح ذا عيبها الوحيد , لكن دكتورة قمةة ..
د / انتصار العمر : تقرأ , حقانية , ماتحذف ولاشي من المنهج , شديدة , النجاح عندها مش بنسبة كبيرة , و أذا عديتي من عندها بدرجة مش بطموحك , برغم أنها مسكت مصطلح الحديث على دفعتنا و المادة سهله لكن الحمدلله عدينا منها  ..
د / مريم التميمي : م أستلطفها ابداً , طيبه , تسولف تضحك في المحاضرة , ماتشرح , بحوثها صعبه حيل , تتوقعين تأخذين معها آي بلس , تنصدمين بالنجاح بدرجة متدنية أو أف , حسبنا الله و كفى , كانت تدرس أصول فقه سيئة جداً في المادة , لكن متمكنه جداً في المواريث و شرحها جميل ..
د / سمية أبراهيم : تشرح بذمه , طويلة محاضرتها , أسئلتها بين السهله و الصعبة , لكن عندها أمانه وتخاف الله , وتعطي بحوث جماعية بس تأخذين معها درجة ترضيك المهم تكونين معها في المحاضرة مركزة وتكتين و كذلك تخططين , أتمناها تدرسني سنة رابع ..
د/ رقية عبدالصمد : تقرأ , اسئلتها بين السهولة و الصعوبة , ماتدف ابداً , بحوثها تترك لين آخر الترم وتعطيك بحث يقهر , ماحبيتها عموماً
نسيت لو فيه ذكروني و بعطيكم نبذه عن الدكاترة اللي درسوني ..
|
اقتباس:
المشاركة الأصلية كتبت بواسطة تسذآ
د : أحمد الطيار ..
ماجربته , لكن دكتور جميل جداً حسب كلام البنات عنه ..
د : محمد أسود
آممم , شوفوا هو درسني الترم الأول حديث1 , تصحيحه ظالم جداً , لكن اسئلته جميلة جميلة وتسطل خاصة المقالية , واضحه , مايحذف ابداً , في النهائي يجيب لكم آلي - أعوذ بالله - تعجيزي يابنات , بحثه سهل جداً عليه 20 درجة الغالبية يأخذون فل مارك في البحث بس لازم مرتب مرتب , عموماً أنا أعجبني أتمنى سنة رابع يدرسني حديث لو حطوا براسهم ليلى شكري ..
د / فرحة الدوسري
خلاص هالترم آخر ترم تدرس و راح تتقاعد إن شاء الله , يعني مابوه تدريس , المهم تنجحنا في العقيدة - دعواتكم - .
د / نوال ال روزه : درستني الترم الأول , حبيبتي هالدكتورة , من أجمل الدكتورات الي درسوني مواد الفقة , تشرح شرح يدخل مختس , بس لازم تكتبين معها , اسئلتها سهله , بحثونها سهله , تعطيك كامل غالباً في البحوث , شديدة , تتأخر في المحاضرة , أوقات كثيرة تلغي محاضرتها بس تراها كانت عندها محاضرة وحده , عاد مدري أذا كان جدولها فل :looking_anim: ..
د / سعاد الشايقي : مادرستني , لكن الكل يذمها أو نقول الغالبية , بحوثها غريبة تبي بحوث كاملة و مرتبة و أذا جبتي تسذا قالت مب أنتي مسويته :looking_anim: , الله يبعدها عنا ولاتدرسني بإي مادة ..
د / صالحة الوادعي : صديقاتي كلهم خذوا معها مناهج محدثين هالترم , يمدحونها قمة قمةة ..
د / ليلى شكري : مادرستني و جعلها ماتدرسني :looking_anim: , صديقتي درست عندها تقول تشرح شرح وافي , دقيقة , اسئلتها يبي لها , دقيقة في البحوث تقراهم قراءه , يعني بحوث أي كلام تحط 0 وبالها مرتاحة ..
د / هدى مرعي : مادرستني و جعلها ماتدرسني :looking_anim: , لكن يقولون شرحها حلو , اسئلتها بين السهولة والصعوبة , عصبية شوي , تحب الكلام والاسترسال في المحاضرات لانها درستني محاضرتين وراحت وكلها كنت آنام فيها لق لق و عقيده م آفلح تسذا :looking_anim: ..
د / عادل حسن : صديقتي درست عنده علوم حديث تمدحه , وصديقاتي الباقيات يذمونه , أنا ماجربته و جعلني ماجربه ..
د / بدرية الحسين : لانها تدرس مادة ثقيلة مثل الأصول فما تقبلتها جداً , لكن اسئلتها سهله مع دقيقه شوي بس , تقولكم بداية الترم سووا ي عروض أو واجبات أفضل حل لكم العروض طبعاً لانها تعطيكم كامل عكس الواجبات ماتعطي كامل لانها تجلس وتقرأ و تمخمخ عليها :looking_anim: , تكرر الأسئله بكل سنة مع آضافات طبعاً , شرحها ححلو , تجي بوقت المحاضرة , متفاهمة معنا كطالبات , الله ييسر لها ..
د/ حنان المنيدي / سعاد الذكير : الكل تقريباً يذمهم , مع أنهم مادرسوني لكن الناس شهود الله في أرضه , جعلي ماطيح فيهم :looking_anim: ..
د / أمل العرفج : قمةة , لكن تقهر بشي واحد:looking_anim: , ملزمتها تنزلها بوقت متأخر , قبل الاختبار بفترة بسيطة و المادة يبي لها مهيب سهلة , لكن عموماً تظل دكتورة جميلة , شرحها حلو , تقهر أنها تجيب فقرات في الاختبار نحو :looking_anim: , اسئلتها دائما آلي عليه الدرجة الكبيرة في أعمال السنة و ممكن 10 درجات أو 5 مقالي ويكون واضح , تحت تجيب جدول ومعاني كلمات وسؤال ثاني معه , نسبة السقوط عندها مش كبيرة ابداً , أوقات تعصب بس مسرع تهدأ , تدخل أوقات وراها , إن شاء الله تدرسنا سنة رابع تفسير 3
د / سارة الشهري : لبية من هنا لمكانها , بنات أي كلام سيئ عن هالدكتورة تسذب × تسذب , تخليك تفهمين المادة عدل , صح كرف طول الترم و تطبيق عملي وتحسين تكرهين عمرتس معها بس والله رهيبه رهيبه , اسئلتها واضحه و مباشرةه , أعمال السنة دائما عندها 60 درجة , ترى العروض عندها شيئ آساسي فاللي مش قد العروض والتعب لاتدخل عن سارة الشهري مادة ..
|
|