وجعني قلبي من اسئلة التحويل والدراسة لسه ما بدت 😥


تذكرت نفسي لما كنت بآخر سمستر لي بالجامعة فكرت اسحب عالزراعة واحول لكلية الحاسب 😳 بس قلت حراام ما بقى شيء واحقق حلمي بالوثيقه ❤


أنا وحده قررت احول في البداية لكلية التربية ورحت الجامعة باوراقي وبخلص اموري بس المسؤولة عن التحويل مو موجوده وسبحان الله كانت خيره ❤ رجعت البيت متضايقه حدي ومحتاره احول والا اكمل بالزراعة وكملت بالزراعة .


وبعدها اختي قالت لي وش يضرك تحولين لكلية العلوم وأنا بصراحة ما كانت عندي رغبه فيها وفكرت بالتحويل ولا حولت وكملت بالزراعة وهالكلام كله بعد ما خلصت سنة اولى يعني استوفيت الشروط ❤


جيت سنة ثاني عالسمستر الثاني بوقت التخصص ما حبيت ولا تخصص << مأساه ، كانت رغبتي بتخصص موجود بكلية التربية وقررت احول وراجعت المسؤولات عن التحويل وقالت لي إذا ما نجحتي بأختبار تحديد المستوى لـ الانجلش نحطك لغة عربية وحرااام إنتي قسم علمي تدرسين لغة عربية 😥 فكرت بكلامها وخفت بقوه قلت اكمل بالزراعة اجل والحمدلله بعد مشاورات واستخاره تخصصت تغذية وحبيت هالتخصص ❤


طبعًا ما اوصيكم بنات لا تنسون صلاة الاستخاره في كل اموركم لا تستهينون فيها وربي يوفقكم في كل خطوة تخطونها في حياتكم الدراسية ✌